Jump to content

Vishnu Purana

Gikan sa Bikol Sentral na Wikipedia, an talingkas na ensiklopedya
Vishnu Purana

An Vishnu Purana (IAST: Viṣṇu purāṇa, Sanskrito: विष्णुपुराण) iyo an saro sa kagwalong Mahapurana, sarong genre kan suanoy asin edad media na teksto kan Hinduismo.[1] Ini iyo an importanteng tekstong Pancharatra sa corpuz kan literaturang Vaishnavismo.[1][2]

An mga manuskrito kan Vishnu Purana nagdanay sagkod sa presenteng panahon sa dakol na bersiyon.[3][4][5] Mas mahalaga pa sa ibang pangenot na Purana, an Vishnu Purana pinepresentar an laog kaiyan sa format na Pancalaksana - Sarga (cosmogony), Pratisarga (cosmology), Vamśa (genalogyo kan mga dios, sage asin hade), Manvantara (kosmikong siklo), asin Vamśanucaritam (mga leyenda sa panahon kan manlaenlaen na mga hade. An ibang manuskrito kan teksto bisto nin huli ta dai kaiyan binali an mga seksyon na nakua sa ibang mayor na Purana, siring kan Mahatmya asin mga tagagiya sa mga turista durante kan mga pilgrimahe, alagad an ibang mga bersyon kabali an mga templo asin mga giya sa pagbyahe pasiring sa mga sagradong lugar para sa pilgrimahe.[5][6] An mga teksto midbid man bilang iyo an pinakaamay na Purana na trinadusir asin pinublikar kan 1840 CE ni HH Wilson, basado sa mga manuskritong igwa kan panahon na iyan, ipinamugtak an mga pinapaghona sa kun ano an Purana.

An Vishnu Purana kabilang sa mas halipot na mga tekstong Purana, na may mga 7,000 na bersikulo sa mga eksistido na bersiyon. An pangenot na sentro kaiyan iyo an mapadapit sa dios na Hindu na si Vishnu asin kan saiyang mga avatar na arog ni Krishna, alagad inoomaw kaiyan si Brahma asin Shiva saka positibong nagsasabi na sinda nagsasarig ki Vishnu. An Purana, sabi ni Wilson, iyo an panteistiko asin an mga ideya diyan, arog kan iba pang Puranas, basado sa mga Vedikong paniniwala asin ideya.

An Vishnu Purana, arog kan gabos na mayor na Puranas, iinaatribwir an autor kaiyan na si Veda Vyasa. An aktwal na mga autor asin petsa kan saiyang komposisyon dai midbid. An mga detalye kan komposisyon kaiyan poon 400 BCE sagkod 900 CE. An teksto posibleng marhay na isinurat asin isinurat liwat sa laog nin sarong peryodo nin panahon, na posibleng sa suanoy na 1st-millennium BCE na mga teksto na dai pa nakaligtas sagkod sa presenteng panahon. An Padma Purana binugtak sa kategorya an Vishnu Purana bilang sarong Sattva Purana (Purana na nagrerepresentar sa karahayan asin kadalisayan).[7]

Toltolan[baguhon | baguhon an source]

  1. 1.0 1.1 Dalal 2014, p. 460.
  2. Rocher 1986, pp. 245-249.
  3. Rocher 1986, pp. 18, 245-249.
  4. Wilson 1864, pp. xxxiv-xxxv.
  5. 5.0 5.1 Gregory Bailey (2003). Arvind Sharma, ed. The Study of Hinduism. University of South Carolina Press. pp. 141–142. ISBN 978-1-57003-449-7.  Error sa pag-cite: Invalid <ref> tag; name "Sharma2003GB141" defined multiple times with different content
  6. Gregory Bailey (2003). Arvind Sharma, ed. The Study of Hinduism. University of South Carolina Press. pp. 148–149. ISBN 978-1-57003-449-7. 
  7. Wilson, H. H. (1840). The Vishnu Purana: A system of Hindu mythology and tradition. Oriental Translation Fund. p. 12.