An W [dakulang porma] o w [sadit na porma] (makaba'gong pagsayod: /dobolyu/, dating pagsayod: /wa/ o /wah/[1]) iyo an ika-23 na letra kan alpabetong Romano. Ini an ika-24 na letra sa ba'gong alpabetong Tagalog (na an ika-19 sa daan na abakada kan Filipinas[1]). Bago uminabot an romanisasyon kan abakada sa Filipinas, nakasurat sa kakaibang simbolo an tanog na wa sa suanoy na baybayin kan mga Pilipino.
An ninuno kan presenteng letrang W iyo an ika-6 na letra kan alpabeto kan mga gurangan na tataramon na Ebreo asin kan Phoenicia: na may tanog na waw (simbolo: Y). Ninuno man kaini an ika-20 letra kan alpabeto kan klasikong Griyego, an upsilon. Bago uminabot an hugis W, ginagamit kan mga Romano an mga letran U asin V bilang representasyon sa tanog kan letrang W. Kan enot, ginagamit sa tataramon na Ingles an UU (duwang U), asin saro pang simbolo na kun apodon iyo an wen. Alagad kan pinu'nan na ipamidbid kan mga dalubhasa sa tataramon na Ingles an W, sarong letra na ginamit man sa Pransya asin Alemanya. Sa Alemanya, an W iyo may pagkaagid sa tanog kan letrang V. An W an nagribay sa lumang simbolong may tanog na wen.[2]
Nakadirekta digdi an "Double U". Para sa the DJ, hilingon an Double U (DJ).
