Wikipedia:WikiGap Philippines 2020

Gikan sa Bikol Sentral na Wikipedia, an talingkas na ensiklopedya
Jump to navigation Jump to search

An WikiGap Philippines 2020 sarong community outreach kan PhilWiki Community poon Marso 1 sagkod Marso 31. Igwa nin offline events na papartisiparan nin kababaihan sagkod mga myembro kan komunidad nin LGBTQ na gigibohon sa Marso 8 asin 21 sa Syudad nin Naga. Sarong bulanon na WikiGap editing activities an gigibohon tanganing madugangan an mga artikulo dapit sa kababaihan sagkod mga ulayon mapanungod sa LGBTQ.

An kampanyang #WikiGap sarong kolaborasyon sa pag-ultanan kan Wikimedia affiliates sagkod kan Swedish Ministry for Foreign Affairs, asin iniimbitaran kaini an mahiwas asin sari-saring partisipasyon, sagkod itinutugot asin inaagda an pag-arog sa lokal sa pangkagabsan na tema nin pagpasadit kan gap o rayo dapit sa gender o iba pang nagpapasuhay na may kinaaraman sa dibersidad sa Wikipedia.

An WikiGap events mangyayari sa International Women's Day sa bulan nin Marso ngunyan na 2020 asin sa laog kan bulan nin Marso sa manlainlain na syudad sa bilog na kinaban sa pakikipagtabangan kan Swedish Embassy asin mga lokal na apilyasyon nin Wikimedia. Aramon an iba pang impormasyon dapit digdi sa: https://meta.wikimedia.org/wiki/WikiGap.

WikiGap Challenge PH asin International[liwaton an gikanan]

Magbali sa WikiGap Challenge PH (Marso 8 - 28) asin International (Marso 9 - Abril 8) tanganing manggana nin mga papremyo.

Para sa WikiGap Challenge PH, makakakua nin Wikipedia merchandize asin gift certificate an sampulong (10) partisipante may pinakahalangkaw na puntos, siring man an mapipiling pinakamatibay na paraambag sa mga partisipanteng babae (1), partisipanteng LGBTQ (1), partisipanteng estudyante (3). Gagawadan man nin premyo an mapipiling pinakamarahay na ambag na ladawan (3).

Para man sa WikiGap Challenge International an igagawad kan UN Human Rights Office an inot na premyo. An iba pang premyo igagawad kan Wikimedia Sverige.

  • 1st: An manggagana magkakaigwang oportunidad na makabali sa nagkapirang aktibidad kan UN Human Rights on the margins sa Hunyo 2020 kan UN Human Rights Council sa Geneva, Switzerland.
  • 2nd: Gift certificate na nagkakahalangang 1,000 Swedish crowns (sek) sa Wikipedia Store
  • 3rd: Gift certificate sa kantidad na 500 Swedish crowns sa Wikipedia Store
  • 4th-10th: lapis na Wikipedia, Wikipedia pin asin Wikipedia decals.

Sistema nin Pagtaong Puntos[liwaton an gikanan]

Ika an responsable sa pagbilang kan saimong puntos. Siring kaini:

+0.5 puntos para sa lambang ladawan/retrato na maidudugang sa sarong artikulo sa Wikipedia sa ano man na lengwahe (kabali an sadiring kontribusyon na imahe).
+1 punto para sa pagdugang sa Wikidata na ginibo o pinakarhay.
+1 punto para sa lambang +1,000 bytes na naidugang na content sa sarong artikulo sa Wikipedia article sa ano man na lengwahe.
+1 punto para sa lambang bagong source/reference na maidudugang sa sarong eksistido nang artikulo sa Wikipedia sa ano man na lengwahe.
+1 punto para sa lambang bagong source/reference na maidudugang sa eksistidong Wikidata entry.
+5 puntos para sa lambang bagong translation kan sarong artikulo nin Wikipedia sa ano man na lengwahe.
+25 puntos para sa lambang Good Article sa ano man na lengwahe. Wikipedia:Marhay na Artikulo para sa Bikol Wikipedia susog sa WikiGap PH organizing team.
+50 puntos para sa Featured Article sa arin man na lengwahe. Mapili an WikiGap PH organizing team nin sarong artikulo lambang Sabado (Marso 14, 21 asin 28).

Susumahon an mga makukuang puntos kan lambang partisipante kun sain an Top 10 sa WikiGap Challenge PH, Top Female, Top LGBTQ asin Top 3 Student participants an makakakua nin premyo!

An WikiGap PH organizing team iyo an may huring desisyon para sa tamang bilang kan mga puntos, asin itatama an pagbilang kun kinakaipuhan. Giromdoma na an obheto kaining aktibdad iyo an mapakarhay an Wikipedia na igwang halangkaw na kalidad na mga artikulo, kun kaya an ano man na content o laman na igwa nin hababang kalidad na naidugang mawawaraan nin puntos o pwedeng ma-ban sa contest, kun iyo an desisyon kan organizing team.

An mga puntos yaon tanganing magin maugma an pagdugang nin content. Dawa na dai ka magbali sa Challenge tanganing manggana, gusto ming maaraman an saimong mga kontribusyon pakatapos kan aktibidad! Mahalaga an saimong mga ambag huli ta an lambag edit makakatabang tanganing mapakarhay an Wikipedia.


Halimbawa[liwaton an gikanan]

  • Kun nakadugang ka nin 3,600 bytes sa sarong eksistidong artikulo, makakakua ka nin 3 puntos.
  • Kun naka-translate ka nin sarong artikulo sa Tagalog Wikipedia asin igwa ini ning 4,100 bytes, makakakua kang 9 puntos: 5 puntos para sa pagpoon nin bagong artikulo asin 4 puntos para sa 4,000 bytes na artikulo.
  • Kun nakadugang ka 3,600 bytes na wikitext (templates, infoboxes, citations) sa sarong eksistidong artikulo, igwa kang 3 puntos.
  • Kun ika an mayor o pinakakadugang nin dakol na content sa sarong bagong Featured Article sa ano man na lengwahe, halimbawa igwa nin 153,000 bytes, igwa kang 153 puntos para sa bytes, asin 100 puntos (huli sa samong pagpapasalamat!) tanganing maging Featured Article an status kaini.

Hilinga an WikiGap Challenge PH 2019 tanganing magkaigwang ideya.

Nakaaging mga Taon[liwaton an gikanan]

Kasaysayan

WikiGap 2019
Kan Marso 2017, sa magtururugang/durungan na editing sa apat na mga tataramon sa pag-ultanan kan Swedish Embassy sa New Delhi asin Stockholm an inorganisar para sa International Women's day. An mga embahada kan Sweden sa Pretoria asin Washington DC suminunod man asin pinanginotan an mga editing activities sa Wikipedia katuwang an Wikimedia chapters sa duwang nasyon na ini.
Poon kaidto, an ministro kaini naggibo nin sarong tool kit kun papano an mga embahada makakapag-organisar nin Wikipedia editing events, asin sinda pursigido na palatawon an mga onrang nakamtan kan kababaihan, sa pinakadakulang ensiklopedia sa kinaban, sa pagkikipagtabangan kan mga Wikimedia affiliates asin iba pang lokal na organisasyon.
An Wikipedia iyo an pinakadakulang online asin kolaboratibong hinahaman na ensiklopedia sa kinaban. An kaaraman sarong poder, asin an Wikipedia igwa nin potensyal na koloran an satong pananaw sa kinaban. Alagad, igwa nin dai pagkakaigwang balanse kan kalalakihan asin kababaihan sa websityo, siring man kan sosyodad sa pangkagabsan.
Nobenta porsyento (90%) kan mga nag-aambag nin kaaraman digdi mga lalaki. Makaapat na beses kadakol an mga artikulo dapit sa kalalakihan kumpara sa kababaihan. An mga pigura minaiba sa lambang rehiyon, alagad dawa sa anong anggulo hilingon, pareho an mahihiling na mensahe: an mga impormasyon dapit sa kababaihan kadiit sana asin bakong hararom an pagtukar, bakong siring sa kalalakihan. Dawa sa arin man na edisyon ini kan Wikipedia. Muya tang bagohon ini.
An #WikiGap sarong aktibidad kun sain an mga partisipante sa bilog na kinaban minatiripon tanganing magdugang nin kaaraman dapit sa mga midbid na babae, eksperto, asin mga modelo sa manlainlain na kategorya. Kapareho man na mga aktibidad an ginigiribo sa laog kan 60 nasyon sa bilog na kinaban tanganing mapaurog an representasyon kan kababaihan sa internet.
Kita gabos, muya tang magkaiwa nin parantay na internet para sa arin man na tawoa – asin para sa mas pantay na kinaban para sa gabos, lalaki o babai man.

WikiGap Philippines 2019[liwaton an gikanan]

Mga aktibidad kan PhilWiki Community na pinartisiparan nin kababaihan asin mga myembro kan LGBTQ community[liwaton an gikanan]