Yao, Osaka
- Para sa ibang gamit, Hilingon an Yao (klaripikasyon).
Yao 八尾市 | |||
|---|---|---|---|
 Pansyudad na bulwagan kan Yao | |||
| |||
 Kinamumugtakan kan Yao sa prepekturang Osaka | |||
  Yao Kinamumugtakan sa Hapon | |||
| Tagboan: 34°37′36.73″N 135°36′3.55″E / 34.6268694°N 135.6009861°ETagboan: 34°37′36.73″N 135°36′3.55″E / 34.6268694°N 135.6009861°E | |||
| Nasyon | Hapon | ||
| Rona | Kansai | ||
| Prepektura | Osaka | ||
| Pamamahala | |||
| • Alkalde | Keisuke Daimatsu | ||
| Hiwas | |||
| • Kabuuhan | 41.72 km2 (16.11 sq mi) | ||
| Populasyon (Enero 31, 2022) | |||
| • kabuuhan | 263,436 | ||
| • Densidad | 6,300/km2 (16,000/sq mi) | ||
| Sona nin oras | UTC+09:00 (JST) | ||
| Adress kan Pansyudad na bulwagan | 1-1-1 Honmachi, Yao-shi, Osaka-fu 581-0003 | ||
| Klima | Cfa | ||
| Websityo | Official website | ||
An Yao (八尾市 Yao-shi) sarong syudad na nakamugtak sa Prepekturang Osaka, Hapon. Puon kan 31 Enero 2022[update], pigtatanya an syudad na igwang populasyon na 263,436 sa 126509 na kaharungan asin igwang densidad nin populasyon na 6300 katawo sa lambang km².[1] An kabilugan na hiwas kan syudad, maabot sa 41.72 square kilometres (16.11 sq mi). An syudad iyo an kinamundagan kan estilo nin subong na pagkakanta na an apod iyo an Kawachi ondo.
Heograpiya
[baguhon | baguhon an source]Mahihiling an Yao sa gilid kan katahawan na parte kan Kapatagan nin Osaka asin sa habagatan-subangan kan metropolis nin Osaka. An sulnopan na parte kan lugar kan syudad, haros patag na igwang karaniwan na elebasyon na sarong pulo metro sana sa ibabaw kan nibel nin dagat. Minalangkaw an kadagaan sa sirangan, kabali an mga kabukidan nin Ikoma na minabilog sa sagkudan kan prepektural kabali an Prepekturang Nara. Sa kadagdagan sa Salog Yamato na minasulog sa kahabagatan na puro kan syudad, igwang kadakol na sararadit na salog.
Mga kataning na mga banwaan
[baguhon | baguhon an source]Prepekturang Osaka
klima
[baguhon | baguhon an source]Igwang karakerisismo na Humid subtropical climate (Köppen Cfa) na may mainit na tig-init asin malipot na tiglipot na igwang maluya pa mayong uran nin niyebe an Yao. An karaniwan na taunan na temperatura sa Yao maabot sa 16.9 °C (62.4 °F). An karaniwan na taunan na pag-uran maabot sa 1,263.9 mm (49.76 in) kun sain an Setyembre an pinakamabasang bulan. Pinakahalangkaw an mga temperatura sa karaniwan sa Agosto, mga 29.1 °C (84.4 °F), asin an pinakahababang sa Enero, maabot sa 5.5 °C (41.9 °F).[2]
| Climate data for Yao (2003−2020 normals, extremes 2003−sa ngunyan) | |||||||||||||
|---|---|---|---|---|---|---|---|---|---|---|---|---|---|
| Month | Jan | Feb | Mar | Apr | May | Jun | Jul | Aug | Sep | Oct | Nov | Dec | Year |
| Record high °C (°F) | 18.9 (66.0) |
23.8 (74.8) |
25.4 (77.7) |
30.4 (86.7) |
32.8 (91.0) |
33.5 (92.3) |
38.2 (100.8) |
38.9 (102.0) |
37.0 (98.6) |
33.0 (91.4) |
28.1 (82.6) |
26.1 (79.0) |
38.2 (100.8) |
| Average high °C (°F) | 9.4 (48.9) |
10.5 (50.9) |
14.5 (58.1) |
20.0 (68.0) |
25.1 (77.2) |
28.4 (83.1) |
31.9 (89.4) |
33.7 (92.7) |
29.7 (85.5) |
23.8 (74.8) |
18.0 (64.4) |
12.0 (53.6) |
21.4 (70.5) |
| Daily mean °C (°F) | 5.5 (41.9) |
6.3 (43.3) |
9.6 (49.3) |
14.9 (58.8) |
20.0 (68.0) |
23.9 (75.0) |
27.7 (81.9) |
29.1 (84.4) |
25.2 (77.4) |
19.2 (66.6) |
13.5 (56.3) |
8.0 (46.4) |
16.9 (62.4) |
| Average low °C (°F) | 1.4 (34.5) |
2.0 (35.6) |
4.9 (40.8) |
9.8 (49.6) |
15.1 (59.2) |
20.0 (68.0) |
24.2 (75.6) |
25.3 (77.5) |
21.3 (70.3) |
15.0 (59.0) |
9.0 (48.2) |
3.8 (38.8) |
12.6 (54.7) |
| Record low °C (°F) | −3.6 (25.5) |
−4.5 (23.9) |
−1.5 (29.3) |
0.6 (33.1) |
6.7 (44.1) |
12.7 (54.9) |
17.6 (63.7) |
18.0 (64.4) |
13.4 (56.1) |
6.1 (43.0) |
1.8 (35.2) |
−2.7 (27.1) |
−4.5 (23.9) |
| Average precipitation mm (inches) | 47.1 (1.85) |
63.9 (2.52) |
99.9 (3.93) |
88.2 (3.47) |
117.8 (4.64) |
149.0 (5.87) |
169.8 (6.69) |
103.1 (4.06) |
137.4 (5.41) |
142.1 (5.59) |
71.9 (2.83) |
57.1 (2.25) |
1,263.9 (49.76) |
| Average precipitation days (≥ 1.0mm) | 5.6 | 7.0 | 9.4 | 9.1 | 9.3 | 10.5 | 11.1 | 7.9 | 10.2 | 9.1 | 7.2 | 6.5 | 102.7 |
| Source: Japan Meteorological Agency[2][3] | |||||||||||||
Demograpiko
[baguhon | baguhon an source]Sa datos nin sensus kan Hapon,[4] marikas na naglalangkaw an populasyon kan Yao poon 1960s sagkod 1970s, at nag-level off poon kadto.
| Taon | Tawo | ±% |
|---|---|---|
| 1960 | 92,525 | — |
| 1970 | 123,035 | +33.0% |
| 1980 | 227,778 | +85.1% |
| 1990 | 272,706 | +19.7% |
| 2000 | 274,777 | +0.8% |
| 2010 | 268,652 | −2.2% |
Uusipon
[baguhon | baguhon an source]Bago an moderno
[baguhon | baguhon an source]Yaon sa laog kan suanoy na probinsya nin Kawachi an lugar kan modernong syudad nin Yao asin itinindog sa daga na kaidtong Sola nin Kawachi. An lugar na ini, sarong matabang delta sa kalabaan kan Lumang salog kan Yamato, asin nilinang poon kadtong panahon nin Yayoi. Sa panahon nin Kofun, kadakol na makapangyarihang angkan an nag-irok digdi asin nagtindog nin kofun burial mound sa pamitisan kan kabukidan nin Ikoma. Sa panahon nin Asuka, napasairarom an lugar na ini sa kontrol kan angkan nin Mononobe. Narapak an angkan kan nadaog an Mononobe no Moriya kan Soga no Umako. An angkan kan Yuge, na sarong tangkay kan kadete sa angkan nin Mononobe, arog pa man kaito, namantinir kaini an kontrol sa lugar. An monghe na si Dōkyō, na hali sa angkan kan Yuge an nagin pinakamakapangyarihang tawo sa huring parte kan panahon nin Nara sa paagi kan saiyang relasyon ki Empress Shōtoku. Itinugdas niya an Saikyo (Sulnopan na Kapitolyo) na inaapod na Yuge-gu sa lugar na ini, kun saun minawot niyang pamayuhan an nasyon bago siya nagbagsak sa kapangyarihan. An Kastilang Takayasu na sarong suanoy na kastilyo sa Bukid Takayasu an itinindog para sa pagtatanggol kontra sa dinastiyang Tang, matapos madaog an Yamato sa Labanan kan Baekgang sa Rawis nin Korya asin nadukhayan giraray kan mga arkeologo kadtong 1978. Kaidtong panahon nin Nara, nag-uswag an lugar na Yao bilang sentro kan transportasyon sa tanga kan Probinsya nin Yamato, Naniwa-kyō asin sa baybay-dagat. Kadtong panahon nin Heian, pinanginutan an lugar kan darakulang tinugdas na mga estado nin shōen na kontrolado kan mga templong Budista asin kan maharlika. Sa panahon nin Sengoku, nagin lugar nin pirang labanan an lugar, kabali an panahon nin kampanya sa tig-aldaw kan Pagkubkob sa Osaka.
Bago an katahawan na termino kan panahon nin Edo, nagsusulog an Salog Yamato poon sa habagatan pa amihanan asin minatakod sa Salog Yodo. Arog pa man kaito, huli sa pagbaha, nagsagibo an shogunatong Tokugawa nin sarong dakulaon na mga gibuhon na pampubliko tanganing baguhon an sulog kan Salog Yamato poon subangan pa sulnopan, tanganing maglikay ini pa sola nin Osaka. Nagpababa an konstruksiyon sa bilang nin mga baha, asin nagtaong-dalan sa lugar na ini na magmukna nin labi pang paruyan. Bilang kadugangan, nagpauswag sa lugar na ini an paglilinang kan gapas.
Moderno
[baguhon | baguhon an source]Pagkatapos kan restorasyon kan Meiji, naging parte kan Prepekturang Osaka an lugar. Namukna an baryo nin Yao sa pagkatugdas nin modernong sistema nin banwaan kadtong Abril 1, 1889, dawa na minabutwa an pangaran na "Yao" sagkod sa mga dokumento kan panahon nin Heian. Kadtong Abril 1, 1896, nagin parte na an lugar kan distritong Nakakawachi, Osaka. Inilangkaw an Yao sa kamugtakan nin banwaan kadtong Agosto 1, 1903. Kan Abril 1, 1948, Nagsagom an Yao sa banwaan kan Ryuge asin sa mga baryo kan Kyuhoji, Taisho, asin Nishigo tanganing mabilog an syudad nin Yao.
Pamamayo
[baguhon | baguhon an source]Igwa an Yao nin mayor-council na porma nin gobyerno na may direktang nahalal na alkalde asin sarong unikameral na konseho kan syudad na may 28 miyembro. Nag-aambag an Yao nin tolong miyembro sa Asembliya nin Prepektural kan Osaka. Sa mga panuytuyan kan nasyunal na pulitika, parte an syudad ika-14ng distrito kan Osaka sa ibabang kapulungan kan Diyeta kan Hapon.
Ekonomiya
[baguhon | baguhon an source]Tradisyonal na midbid an Yao sa paggibo kaini nin mga toothbrush, asin nasa 40% pa nanggad kan saudan sa Hapon, arog pa man kaidto, sadit-sadit nin kontribusyon kan pagmamanupaktura nin toothbrush sa kabilugan na lokal na ekonomiya. Midbid na sa ngunyan an syudad bilan sarong sentro para sa magian asin katamtama na pagmamanupaktura.
Mga kumpanyang nakabase sa Yao
[baguhon | baguhon an source]- Hosiden (ホシデン株式会社)
- Miki House (ミキハウス)
Edukasyon
[baguhon | baguhon an source]Mga kolehiyo asin unibersidad
[baguhon | baguhon an source]Primarya asin sekondaryang edukasyon
[baguhon | baguhon an source]Igwa an Yao nin 28 pampublikong paadalan na elementarya, 15 pampublikong tahaw na paadalan asin apat na pampublikong halangkaw na paadalan na pinamayuhan kan Departamento nin Edukasyon kan Prepektural na Osaka. Igwa man nin pribadong tahaw na paadalan asin sarong pribadong halangkaw na paadalan. Nagpapadalagan man an prepektura nin espesyal na edukasyon para sa mga may kakundian.
Mga prepektural na senior high school
- Osaka Prefectural Yao High School (大阪府立八尾高等学校)
- Osaka Prefectural Yaokita High School (大阪府立八尾北高等学校)
- Osaka Prefectural Yamamoto High School (大阪府立山本高等学校)
- Osaka Prefectural Yaosuisho High School (大阪府立八尾翠翔高等学校)
Pribadong junior asin senior high school
Edukasyon sa may espesyal na pangangaipuhan
[baguhon | baguhon an source]Transportasyon
[baguhon | baguhon an source]Mga palayugan
[baguhon | baguhon an source]Agihan-bakal
[baguhon | baguhon an source].svg){kind=logo}
Kintetsu Railway - 
Kintetsu Osaka Line
Kintetsu Railway - 
Kintetsu Shigi Line
Kintetsu Railway - 
Nishi-Shigi Cable Line
Haywey
[baguhon | baguhon an source]
Lokal na mga ta'nawon
[baguhon | baguhon an source]- Taiseishōgun-ji, sarong templo nin budista na itinindog kadtong 587 AD
- Shionjiyama Kofun, Pangnasyon na Makasaysayang Lugar
- Takayasu Senzuka Kofun Cluster, Pangnasyon na Makasaysayang Lugar
- Mga gaba nin Yuge-dera, Pangnasyon na Makasaysayang Lugar
Mga tugang asin Pagkakakatoodan na syudad
[baguhon | baguhon an source]
Usa, Ōita
Wake, Okayama- Shingu, Wakayama
- Gojo, Nara
Bellevue, Washington, U.S. - natapos an tretato sa tugang na syudad kadtong 1969
Distritong Jiading, Shanghai, Tsina - Natapos an tretato sa tugang na syudad kadtong 1986
Mga midbid na tawo gikan sa Yao
[baguhon | baguhon an source]- Shōgo Arai, politiki, gobernador kan Prepekturang Nara
- Dōkyō, Budistang monghe
- Toyokawa Etsushi, aktor
- Yasuji Hondo, dating parakawat nin beysbol
- Hideaki Ikematsu, dating parakawat nin putbol
- Ryota Katayose, parakanta, bokalista kan Generations from Exile Tribe
- Kawachiya Kikusuimaru, musikero
- Masato Kitano, nagsurat-kanta kan Day After Tomorrow
- Masumi Kuwata, dating parakawat nin beysbol
- Ichirō Matsui, politiko, alkalde kan Syudad nin Osaka
- Takashi Miike, direktor nin penikula
- Masataka Nishimoto, parakawat nin putbol para ki Cerezo Osaka
- Tokushichi Nomura II, negosyante, kagtugdas kan Nomura zaibatsu
- Tadashi Ōishi, parakawat nin shogi
- Yui Okada, parakanta
- Kosuke Okanishi, parakawat putbol ki Ventforet Kofu
- Jimmy Onishi, parapinta asin komedyante
- Noboru Rokuda, artis nin manga
- Nagisa Sakurauchi, parakawat nin putbol ki Júbilo Iwata
- Shota Shimizu, parakanta
- Hitoshi Taneda, dating parakawat nin beysbol
- Takeshi Tokuda, politiko kan House of Representatives
- Etsushi Toyokawa, aktor
- Yuki Ueno, propesyonal na resler
- Shouma Yamamoto, aktor
Mga toltolan
[baguhon | baguhon an source]- ↑ "Yao city official statistics" (in Japanese). Japan.
- ↑ 2.0 2.1 "平年値（年・月ごとの値）". JMA. Retrieved May 19, 2021.
- ↑ "観測史上1～10位の値（年間を通じての値）". JMA. Retrieved May 19, 2021.
- ↑ Yao population statistics
Mga panluwas na takod
[baguhon | baguhon an source] |
An Wikimedia Commons igwa nin medya dapit sa Yao, Osaka. |