Zheng Xie

Zheng Xie

Si Zheng Xie (Chinese: 鄭燮; pinyin: Zhèng Xiè) (1693–1765), midbid pa sa apod na Zheng Banqiao (Chinese: 鄭板橋\郑板桥; pinyin: Zhèng Bǎnqiáo) sarong Tsinong pintor na gikan Jiangsu. Tios siya pakapoon alagad naglangkaw sa ranggo huli sa eksam nya na magin sarong magistrate sa Shandong. Alagad, pakalihis 12 taon, siya nagin sarong matinuyaw sa buhay nin sarong opisyal ta siya mansana habo mag'amos-amos sa mga nakakataas saiya. Kan siya pigparatuyaw kan saiyang pagtugdok nin pailihan para sa mga pobre, siya nagdemitir tolos. Siya nagturuhok na sana sa pag'sibot sa arte asin siya nangagin saro sa Walong May-baltik sa Yangzhou. Siya namidbid nanggad sa pagdrowing nin mga orkids, kawayan, asin mga gapo. Kan 1748 dikit na panahon naempleo siyang kaligrapo asin pintor para sa Emperador nin Qianlong.

Si Zheng saro man na kaligrapo na nagmumukna nin bagong istilo sa kaligrapiya na nadadara kan saiyang interes sa mga pagdrowing nin orkids.Dagdag pa, igwa siyang interes sa literatura asin rawitdawit. Siya mas gusto magsurat manongod sa ordinaryong mga tawo gamit natural na istilo.

Trabahong sa kaligrapiya ni Zheng Xie, yaon ngonyan nasasaray sa Museo nin Shandong

Orchids, Bamboo and Rocks, palitong sa kamot ni Zheng tXie, 1762, Shanghai Museum

Herbaceous peony viewing pavilion kaiba an kaligrapong pahigda na senyales ni Zheng Xie sa Thin West Lake kan Yangzhou

Toltolan

• Hummel, Arthur W. Sr., ed. (1943). "Chêng Hsieh". Eminent Chinese of the Ch'ing Period. United States Government Printing Office. 

Mga panluwas na takod

• Zheng Xie and his Painting Gallery at China Online Museum
• China Culture on Zheng Xie
• Zheng Xie's works at China Page
• Zhang Xie in the collection of the Metropolitan Museum, New York
• Translation of “Letter to younger brother Zhèng Mò” by Zhèng Bǎnqiáo Archived 2019-07-24 at the Wayback Machine.