Zoya Cherkassky-Nnadi
Si Zoya Cherkasky-Nnadi (dating Zoya Cherkassky) sarong artistang Israeli, namundag sa Kiev kan 1976, na nagbalyo sa Israel kan 1991. An saiyang mga gibo nakasentro sa saiyang personal na mga eksperyensya, kaiba an pagkaniaki sa Unyon Sobyet asin pagbalyo sa Israel.[1] Nagtabang man si Cherkasky-Nnadi sa pagpundar kan New Barbizon Group kaiba an apat pang mga pintor, asin sinda gabos namundag sa dating USSR.
Kan aki pa sya sa Sobyet
[baguhon | baguhon an source]Kan 2015, si Cherkasky-Nnadi nagmukna nin koleksyon nin mga pitak na arte na naglaladawan kan mga eksena sa aru-aldaw na namasdan nya sa bilog na pagkaaki niya sa Sobyet Ukraine. An mga gibo nya nagpapahiling nin partikular na mga karakteristiko kan saiya mismong pagkaniaki, arog kan saiyang buro-bangging rutina nin pagbantay sa bintana kan saiyang ina sa pagpuli hali sa trabaho, siring man nin mas dakol na pankagabsan na pamantayan nin buhay na Sobyet kan panahon na idto, arog baga kan piot na mga apartment na iniistaran nin dakol na tawo, asin an kakanon na parating pigkakakan durante kan mga kaurogmahan sa Aldaw nin Mayo. "Aki ka pa ngani kaini kaya maski bagay na daing gayung magayon, pirmi mo man ining narurumdoman," sabi niya, sa saro sa mga inot niya pa sanang interbyu sa Ingles.[2]
Pagmawot
[baguhon | baguhon an source]Mantang an kadaklan sa trabaho ni Cherkasky-Nnadi direktang nakabasar sa saiyang sadiring mga eksperyensya, an ibang gibo nya ipinasabong man kan iba pang media. An sarong kabtang kan saiyang trabaho sa Pravda pinasabungan kan pelikulang Ruso na Little Vera.
Personal na buhay
[baguhon | baguhon an source]Si Cherkasky-Nnadi agom nin sarong taga Nigeria na imigrante.[1] An saiyang agom hali sa Ngwo, Nigeria. An mag - agom igwa nin sarong aki, sarong aking babae na an ngaran Vera.
Reperensya
[baguhon | baguhon an source]- ↑ 1.0 1.1 Setter, Shaul (2018-01-30). "Painter Zoya Cherkassky, Israel's Eternal Dissident, Is Embraced by an Unlikely Institution" (in en). https://www.haaretz.com/israel-news/culture/leisure/.premium.MAGAZINE-zoya-cherkassky-eternal-dissident-embraced-by-an-unlikely-institution-1.5781539.
- ↑ Naylor, Aliide (2015-09-25). "Postcards from a Soviet Childhood" (in en). Read Russia. Archived from the original on 2019-07-07. https://web.archive.org/web/20190707155125/http://readrussia.com/2015/09/25/postcards-from-a-soviet-childhood. Retrieved on 2021-07-14.