Kalibo, Aklan

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Mapa kan Aklan na ipinapahiling an kinamomogtakan kan Kalibo
An munisipyo
An simbahan katoliko
An Museo It Akean

An Kalibo iyo an kabesera kan provincia nin Aklan asin ini namumugtak sa norte-solnopan kan Islang Panay. Susog sa senso kan 2010, igwang 74,6l9 katawo na nageerok digdi.

An Kalibo bantog kan saiyang kapiyestahan na Ati-atihan Festival, ginigibo parati sa ikatolong Domingo nin Enero. An Kalibo hale sa terminong sangka libo (sarong ribo} na iyo daa an bilang kan nagatender na mga tinubong Agta' (Ati o aeta) sa pinakaenot na katolikong misa ginibo duman. An okasyon na ini iyo an pino'nan kan sinasabing Ati-atihan Festival. Dati an pangaran na Kalibo sinusurat na Calivo.

Kuta an Kalibo pwede naman magin sarong tunay na ciudad alagad may mga isyu na nakakaulang sa siring na kaisipan.

An Pagduman[liwaton | liwaton an gikanan]

An Kalibo 45 minuto abot 1 oras sana haleng Manila kun ma-eroplano o sarong aldaw na sakay sa bapor kun maaging dagat asin ini nadangtol sa pantalan kan New Washington o kan Dumaguit.

An Kalibo Airport mga 10 minuto kun mahale sa plaza. An Palayugan na ini igwang direktang ruta pasiring sa Incheon, South Korea, asin sa Taipei, Taiwan. An mga eroplano kan Asian Spirit, Mandarin Airlines asin kan Pacific Pearl Airways an nagruruta igdi. Binabana-bana na dagdag pang ruta nin eroplano an ikakaag pasiring sa Singapore, Hongkong, Beijing asin Shanghai an buburuksan. Mas orog na mababantog an Aklan bilang iyo an tata palaog sa rona' kan Western Visayas.

An pinakaharaning mga syudad igdi iyo an Roxas City, asin Iloilo City kan Iloilo na abot-abot na gayo kan mga bus asin mga van.

An Kalibo iyo an aram nanggad na inaagihan kun mapasiring sa bantog-kinaban na islang resort nin Boracay, paagi sa pantalan kan Caticlan. Paduman sa resort na ini 10 minuto sana an paglantsa haleng Caticlan pero an haleng Kalibo pasiring Caticlan nag'aabot 1 oras may 20 minutos gamit an van.

Mga Industriya[liwaton | liwaton an gikanan]

An mayor na industriya sa Kalibo iyo an agrikultura. Kadaklan kan kadagaan natatanom sa paroy asin mais. An Kalibo nagsisibot man sa paghabol nin tela hale sa tinanom na pinya asin abaka na pareho na pigluluwas sa mga merkado kan Amerika asin Europiya. An pinyang tela, konsideradong iyo an Reina kan Pilipinong Tela ginamit sa pagtahi kan mga barong na sinu'lot kan si mga lideres kan APEC kan ini magtiripon igdi sa Filipinas kan taon 1996. Anopang masabi, hale sa Kalibo su ginamit na pinyang tela.

An Kalibo igwa naman nin nagtatalubo na meat-processing industry na pinapangenotan kan pabrika kan Rosa Foods sa distrito kan Linabuan Norte.

An Ati-atihan Festival kan Kalibo inaarabongan na gayo kan mga turista tuyong ikatolong Domingo nin Enero. Sa kapiyestahan na ini inarog an mga pasale sa mga kapiyestahn kan Iloilo (Dinagyang Festival), sa Cebu (Sinulog) asin sa Manila (Sto. Niño).

Iba pang magayon na dumanan sa Kalibo iyo an Bakhawan Eco Park asin an Museo niya kun saen natitimos an pamanang lahi kan mga Aklanon.

Mga Barangay[liwaton | liwaton an gikanan]

  • Andagao
  • Bachao Norte
  • Bachao Sur
  • Briones
  • Buswang New
  • Buswang Old
  • Caano
  • Estancia
  • Linabuan Norte
  • Mabilo
  • Mobo
  • Nalook
  • Poblacion
  • Pook
  • Tigayon
  • Tinigao

Mga panluwas na takod[liwaton | liwaton an gikanan]


Selyo kan Provincia nin Aklan
Mga Banwaan kan Aklan
Altavas | Balete | Banga | Batan | Buruanga | Ibajay | Kalibo | Lezo | Libacao | Madalag | Makato | Malay | Malinao | Nabas | New Washington | Numancia | Tangalan

Plantilya:Philippine Provincial Capitals Plantilya:Coord