Nasugbu, Batangas

Gikan sa Bikol Sentral na Wikipedia, an talingkas na ensiklopedya
Magluksó sa: nabigasyon, hanapon
An mapa kan Batangas na ipinapaheling an kinamomogtakan kan Nasugbu


An Nasugbu sarong primera klaseng banwaan sa probinsya kan Batangas, Filipinas. Susog sa senso kan 2007, igwang 113,926 katawo nageerok igdi sa 19,615 kaharongan.


Pangaran[liwatón | liwaton an gikanan]

An istorya kun napano ta nangaranan an lugar "Nasugbu", ta kaidto daang pag'abot kan mga Kastila hinapot an sarong nagsasapna na babaeng tagaduman kun anong apod kan lugar ("¿Cómo se llama este pueblo?"). Nataon an pigsasapna nagsusupay na. Palibhasa dai nakasabot, an huna kan parasapna pigtutuyaw an pigluluto niya, kaya an sabi niya, ""Nasubo na po iyan, eh, kaya ganyan" . Huna kan Kastila an nadangog niyang "Nasubo" iyo si pangaran.


Demograpiya[liwatón | liwaton an gikanan]

Mayoria kan tagaNasugbu mga Tagalog. Pero an mga taon na nakaagi, igwang dakul na pagdugang nin mga Bisaya sa Barangay Wawa asin sa kataraid, kaya dakul na an nadadangog nagtataram Cebuano. Igwa pa man nagtataram Kastila gibo kan si nagkatarada na mga dugong Kastila. An Ingles tinataram parati kan si mga may mga inadalan.

Mga Katoliko an kadaklan kan mga Nasugbuguenos. Kaya dawa suway an gobyerno sa Simbahan, an piyesta, Desyembre 3, deklaradong daing opisina. An banwaan iyo an saro sa pinakaimportanteng sentro nin Katolisismo. Ini sakop kan Arkedioseses nin Lipa. An patrona kaini iyo si San Francisco Xavier. Patrona naman si San Lorenzo Ruiz kan banwaan. An menoriya kaapil sa ibang relihiyon arog kan Iglesia ni Cristo, Mormon, asin mga inapod na Born-Again.

Ehemplo kan topograpiya kan Nasugbu, Batangas. An munisipyo nin Nasugbu nabibisto sa nag'alon'alon na mga bulod, mahiwas na kapatagan asin kaomahan na natutubigan na toltol.

Ini nabugtak sa 14:05:51N (14.0975) latitud asin 120:35:56E (120.5988) longitud.An Nasugbu napapagdolonan sa amnayan kan mga banwaan nin Maragondon, Magallanes asin kan Alfonso sa probinsya nin Cavite; sa subangan kan mga banwaan nin Laurel, Calaca asin kan Balayan; sa habagatan kan Lian asin Tuy; sa solnopan kan Dagat kan Habagatan Tsina. Ini an pinakadakulang banwaan sa Solnopan Batangas na may hiwas na 276.33 km².

Pagpalaog sa sentro, paagi sa tinampong nasyunal, maagihan an kapawaan nin tubo, mais asin paroy, mga bulod-bulod asin mga bukid. An tereno na'anhay paibaba sa Dagat kan Habagatan Tsina. Huli sa kamugtakan niya an mayor na kabuhayan sa Nasugbu yaon sa agrikultura asin pagsisira.


An byahe pasiring Manila mga 102 kilometro na naagi sa Siyudad nin Tagaytay. Kun hale sa kabesera kan probinsya (an siyudad nin Batangas),an distansya mga 70 kilometro.


Ekonomiya[liwatón | liwaton an gikanan]

Mayo pa bantog an Boracay, an mga baybayon kan Nasugbu darayohon kan mga turista huli ta ini harani sana sa Manila, orog na pagsesemana santa.

An gobyerno man maigot na mamantener an mga natural na kagayonan sa palibot arog kan mga berdeng kadlagan asin mga magapo na kabukiran na pwedeng baklayan kan mga turista. Saro kaining nakakaganyat na lugar iyo an Karakawa, mga tangga-tanggang mga garo kawa' na gapong parigosan. An pinakasadit kaini garo jacuzzi pakasadit asin an pinakadakula nagsusukol na 25 metro kwadrado. An mga kawang parigosan anom na metro an rarom asin pwede ka pa ngane magdakopdakop nin sira.

An sentro kan hanapbuhay yaon sa agrikultura kaya dakul an kaomahan nin tubo, paroy, mais, niyog, asin mga prutas. Harong man ini kan dakulaon na asukarera, an Central Azucarera Don Pedro.

Huli gayod ta yaon igdi an paragibo nin asukar, dakul man nagburutwa na mga negosyo sa paggibo nin mga "hamis". Ini lang an banwaan sa Luzon na may "bibingkahan" sa merkado publiko. Seguro may sampolong klaseng mahamis na lutong pulotan igdi, laen pa kan mga luto na nakakaagid kan mga preparasyon sa ibang lugar sa Filipinas. Yaon man igdi makukua an pinahamis na ube, pinahamis na niyog.


Mga panluwas na takod[liwatón | liwaton an gikanan]

Mga toltolan[liwatón | liwaton an gikanan]


Selyo kan Provincia nin Batangas
Mga Ciudad asin Banwaan kan Batangas
Mga Ciudad: Batangas | Lipa | Tanauan
Mga Banwaan: Agoncillo | Alitagtag | Balayan | Balete | Bauan | Calaca | Calatagan | Cuenca | Ibaan | Laurel | Lemery | Lian | Lobo | Mabini | Malvar | Mataas na Kahoy | Nasugbu | Padre Garcia | Rosario | San Jose | San Juan | San Luis | San Nicolas | San Pascual | Santa Teresita | Santo Tomas | Taal | Talisay | Taysan | Tingloy | Tuy
Mga Rehiyon asin Provincia kan Luzon
Rehiyon Ilocos (I): Ilocos Norte | Ilocos Sur | La Union | Pangasinan
Rehiyon Cagayan (II): Batanes | Cagayan | Isabela | Nueva Vizcaya | Quirino
Rehiyon Sentral na Luzon (III): Aurora | Bataan | Bulacan | Nueva Ecija | Pampanga | Tarlac | Zambales
CALABARZON (IV-A): Batangas | Cavite | Laguna | Quezon | Rizal
MIMAROPA (IV-B): Marinduque | Occidental Mindoro | Oriental Mindoro | Palawan | Romblon
Rehiyon Bikol (V): Albay | Camarines Norte | Camarines Sur | Catanduanes | Masbate | Sorsogon
Admin. Rehiyon Kordilyera (CAR): Abra | Apayao | Benguet | Ifugao | Kalinga | Mountain Province
Rehiyon Nasyunal na Kapitolyo (NCR): Mayong mga provincia

Kategoriya:Mga banwaan kan Batangas