Syudad nin Tabaco

Gikan sa Bikol Sentral na Wikipedia, an talingkas na ensiklopedya
Magluksó sa: nabigasyon, hanapon
Ciudad nin Tabaco
Official seal of Ciudad nin Tabaco
Kinamumugtakan
Mapa kan Albay na ipinapahiling an kinamomogtakan kan Tabaco
Mapa kan Albay na ipinapahiling an kinamomogtakan kan Tabaco
Gobyerno
Rehiyon Bicol Region (Region V)
Probinsya Albay
Mga Distrito Enot na distrito kan Albay
Mga Barangay 47
Klase nin Ganar: Ika-4 na klaseng ciudad; parteng urban
Alkalde Cielo Krisel Lagman-Luistro (Lakas-CMD)
Nagin ciudad March 24, 2001
Pisikal na Kamugtakan
Hiwas 117.14 km²
Populasyon

     Total (2000)      Densidad


{{{pop2000}}}
915/km²
Puertong Internasyonal kan Tabaco
Simbahan ni San Juan Bautista
Palacio Residencia kan Tabaco
Harong ni Angela Manalang-Gloria

An Ciudad nin Tabaco sarong ikaapat na klaseng ciudad sa Filipinas kan Albay sa Filipinas. Kataid kaini an Malinao sa norte, an Polangui asin Oas sa sulnupan, an Bulkan Mayon sa sur, an Malilipot sa sur-subangan asin an Golpo nin Lagonoy sa subangan. Segun sa senso nin 2007 an poblasyon kan Tabaco uminabot sa 123,513 katawo asin 19,599 pamilya.

Osipon[liwatón | liwaton an gikanan]

Dakol an bersiyon kan kapangaranan kan Tabaco. Pero halos gabos ini kaagid kan osipon na ini:

May saro daang daraga an rinani ki sarong nangangalagkalag na Espanyol para maghapot kun ano ang pangaran kan lugar na inabtan niya. Mala sa diperensiya sa tataramon, dai tulos nasabutan kan daraga su kaipuhan saiya kan dayo. Mantang nangyayari ini, natanawan su duwa kan maimunon na ama kan babayi. Mala ta huna pigkursunada su saiyang aki, nagparagasod ining "Tabak ko! Tabak ko!" hanap-hanap su saiyang umal para garo ipantigbas sa Kastila. Nakadulag su Espanyol, dara-dara an paghuna na an pangaran kan lugar na nadumanan niya Tabak ko.

Alagad, pwede man talaga an ngaran na "Tabaco" hale sa "tabak" (sundang) nin huli ta bantogan an lugar na ini sa paggibo ki mga tabak. Sagkod ngonyan iyo ini an dakulang hanapbuhay sa baryo kan Cobo, kun saen manlaenlaen na produktong may tarom arog kan sundang, tarom nin kodkoran, gunting, basabas, gapas, asyab, landok, palaw, pisaw. tigib, asbp. an mahihiling asin mababakal igdi. Mala ta an simbolo kan Cobo sa daratangan niya iyo an sarong panday may kapot na maso yaon sa aktong pagpokpok kan lansang nakapadatol sa toto'pan.

Tindahan tabak sa Cobo, Tabaco City

Istorya[liwatón | liwaton an gikanan]

Sa Estado Geografico Estadistico Historico na sinurat ni Padre De Huerta kan 1805, nagpuon an nakasurat na istorya kan syudad kan 1587 sa paagi kan mga misyonaryong Pransiskano. Kan 1616 naging enot na permanenteng ministro si Padre Pedro De Alcareso kun kasuarin man naitugdok an simbahan para ki San Juan Bautista na, sagkod ngonian iyo an patron kan syudad.

Pero dawa kaini, kan 1731 sana enot na may nailistang Presidente kan banwa, sa pagkatawo ni Martin Aguirre. An nakatukaw ngonian na si Krisel Luistro, na an titulo na Alkalde kan Syudad ay pan 177 nang nagkapot kan poder.

Naging syudad an banwaan kan Tabaco kan Marso 4, 2001 sa irarom kan House Bill No. 7851 buda Republic Act No. 9020. An Opisyal na Selyo dinisenyo hali sa ospion kan kapangaranan kan Tabaco, na ngonian piggagamit sa paagi kan Municipal Council Resolution No. 29 kan Pebrero 23, 1966.

Ekonomiya[liwatón | liwaton an gikanan]

An Tabaco dating kapitolyo na ekonomiya nin Albay, bago pa naging importante an Legazpi. Maski ngonyan, an Puertong Internasyonal nin Tabaco an pinaka mahigos na puerto sa enterong Rehiyon Bikol. An pinaka importanteng produkto kan ciudad iyo an bagas, mais, kamote, gulay, niyog asin abaka. Importante man an pag-aataman kan mga manok, orig asin an pagdadakop kan mga sira sa Golpo nin Laganoy.


Mga barangay[liwatón | liwaton an gikanan]

Nababanga an Tabaco sa 47 barangay.

  • Agnas (San Miguel Island)
  • Bacolod
  • Bangkilingan
  • Bantayan
  • Baranghawon
  • Basagan
  • Basud (Pob.)
  • Bogñabong
  • Bombon (Pob.)
  • Bonot
  • San Isidro
  • Buang
  • Buhian
  • Cabagñan
  • Cobo
  • Comon
  • Cormidal
  • Divino Rostro (Pob.)
  • Fatima
  • Guinobat
  • Hacienda (San Miguel Island)
  • Magapo
  • Mariroc
  • Matagbac
  • Oras
  • Oson
  • Panal
  • Pawa
  • Pinagbobong
  • Quinale Cabasan (Pob.)
  • Quinastillojan
  • Rawis (San Miguel Island)
  • Sagurong (San Miguel Island)
  • Salvacion
  • San Antonio
  • San Carlos
  • San Juan (Pob.)
  • San Lorenzo
  • San Ramon
  • San Roque
  • San Vicente
  • Santo Cristo (Pob.)
  • Sua-Igot
  • Tabiguian
  • Tagas
  • Tayhi (Pob.)
  • Visita (San Miguel Island)

Libro Manungod sa Tabaco[liwatón | liwaton an gikanan]

Tatak kan Probinsya nin Albay
Mga Syudad asin Banwaan kan Albay
Mga Syudad: Legazpi | Ligao | Tabaco
Mga Banwaan: Bacacay | Camalig | Daraga | Guinobatan | Jovellar | Libon | Malilipot | Malinao | Manito | Oas | Pio Duran | Polangui | Rapu-Rapu | Santo Domingo | Tiwi