Talinom

An talinom

An Talinom (tataramon na Ingles flameflower, genus sa pamilya kan Talinaceae) sarong gulayon na tinanom. Ini nakaagid sa lumoy kan saiyang mga paklang sa kangkong, haros kamang sa daga, mga 12 pye sana an paglangkaw. An mga dahon kaini asin ugbos na paklang an sinasalak na pamberdura sa sinigang o kusido siring sa pagkaag sa luto kan dahon sili.

An mga dahon kaini nasirbi man na bahog, asin gustong gusto nanggad, kan mga itik, pato, ganso asin manok.

Duwang klase an popular na talinom: Talinum fruticosum, gulayon asin an Talinum paniculatum na inaataman bilang ornamental na tinanom.

Iba pang pakinabang

Bilang pamberdura, ini mayaman sa mga bitamina arog kan bitamina A asin C asin mga mineral na iron saka calcium. Alagad ta ini halangkaw daa sa oxalic acid, dapat paglikayan na magkakan dakul an may mga rayuma, gout asin may helang sa kidney. Ini makusog na pinapadakul asin inaataman sa West Africa, South Asia, Southeast Asia, asin sa mga mainit na parte kan Norte asin Habagatan kan Amerika. Importante man na gulayon ini sa Nigeria. Sa Brasil, nagtuturubo ini sa pampang kan Salog Amason asin lakopan ining kinukunsumo sa estado nin Para, asin Amazonas.

Mga panluwas na takod

• http://www.westafricanplants.senckenberg.de/root/index.php?page_id=14&id=1534# Kinua 27-01-14
• http://www.stuartxchange.org/Talinum.html Kinua 27-01-14