UP Harong
 An tatak asin tambayan kan U.P. Harong | |
| Ngaran | UP Harong |
|---|---|
| Motto | Tindog pa man giraray |
| Petsa nin pagkakatugdas | Nobyembre 26, 1995 |
| Organisasyon | Sosyo-sibiko, Pang-jovenes |
| Kinamumugtakan |
|
| Websityo | web |
An UP Harong iyo sarong pag-iriba nin mga estudyanteng Bikolano sa Unibersidad kan Pilipinas Diliman gikan sa probinsya nin Camarines Sur sagkod syudad nin Naga asin Iriga.[1] Saro sa mga obheto kan organisasyon iyo an makatabang sa pag-uswag kan sosyedad asin akademiko sa Camarines Sur partikular sa sektor nin mga jovenes. Itinogdas an organisasyon kan taong 1995 asin presenteng binibistong aktibo kan nasambit na unibersidad.
An tambayan kan organisasyon mahihiling sa Vinzons Hill Tambayan Complex sa laog kan kampus nin U.P. Diliman, Syudad nin Quezon.
Kamundagan[baguhon | baguhon an source]
Kan bulan nin Nobyembre sa taong 1995, saro an probinsya nin Camarines Sur sa mga nadanyaran kan bagyong si Rosing. Ribo-ribong mga Bikolano an naapektaran kan nasambit na bagyo, asin nagkapirang mga banwaan asin syudad an pig-baha na nagtao nin dipisil na transportasyon sa sur-subangan kan Luzon.[2]
An mga Bikolano na nag-aadal sa Manila, urog na si mga taga-Unibersidad kan Pilipinas Diliman, nadidipisilan na makaabot sa saindang mga klase uli ta puon na kan ikaduwang semestre sa panahong ini. An kadipisilang ini an nagparealisar sa mga estudyanteng ini na kaipuhan an mas marhay na pagpalakop nin impormasyon.[2]
Sa Unibersidad kan Pilipinas Diliman, igwang mga organisasyon an may kampanyang inapod na "Help the Typhoon Rosing Victims in Bicol". Ini daa an totoo asin sosyal na aspeto kan organisasyon na mamomokna pa lamang - na iyo an makatabang sa mga kahimanwa sa Camarines Sur urog na sa oras nin kalamidad. Uli sa mga pangyayaring ini, nagkaigwa nin kahiroan na magmokna nin organisasyong malaom na makatabang asin masirbi sa probinsya nin Camarines Sur.[2]
Sa kamawotan na makatabang sa kahimanwang Bikolano, urog na sa mga taga-Camarines Sur, apat na ideyalistikong estudyante kan Unibersidad kan Pilipinas Diliman an nagplano nin organisasyong babalehan kan mga Iskolar ng Bayan hale sa probinsya nin Camarines Sur. Kan Nobyembre 19 sa kaparehong taon, naghirilingan an doseng (12) kagmoknang miyembro para mag-urulay manungod sa magigin pangaran kan organisasyon na maayon sa kamawotan asin obheto kaini. An ngarang "Harong" an napili uli ta an organisasyon an masirbeng "home away from home" kan mga magigin miyembro kaini. Pormal na binisto kan unibersidad an organisasyon bilang sarong lehitimong probinsyal na organisasyon puon kan Nobyembre 26, 1995 na igwang bente-dos (22) na primerong miyembro.[2]
Kasibotan[baguhon | baguhon an source]
UP Harong Academic Festival (AcadFest)[baguhon | baguhon an source]
An UP Harong Academic Festival o Acadfest iyo sarong pa-kontes para sa mga estudyanteng yaon sa junior high school sa probinsya nin Camarines Sur asin sa bilog na rehiyon Bikol.[1]
An mga indibidwal na kontes kaini iyo an:
- Tingog nin Rason Debate Tournament
- Boses kan Jovenes Public Speaking Contest
- Harong nin Dunong Quiz Bee
- Sural Essay Writing Contest
- Gayon Bikolnon Poster Making Contest
- Ladawan nin Kabikolan Photojournalism Contest
- Istoryang Suanoy Storytelling Contest
- Heras sa Banwaan Radio Broadcasting Tournament
- Gala Night[1]
UP Primer[baguhon | baguhon an source]
An UP Primer iyo sarong pagtiripon asin urulayan para sa mga estudyante sa senior high school na mawot may maaraman sa manlainlain na kampus nin Unibersidad kan Pilipinas na Sistema asin man an lambang kurso kaini.[1]
Harong Week[baguhon | baguhon an source]
An Harong Week iyo sarong semanang selebrasyon kan anibersaryo nin pagkamondag kan organisasyon. Kaiba sa kasibotang ini an mga outreach programs, Exhibit Opening, asin an Sili Ice Cream Eating Contest.[1] Dae arug kan sa Acadfest asin UP Primer, an kasibotan na ini piggaganap sa kampus kan U.P. Diliman, Syudad nin Quezon.
Hilingon man[baguhon | baguhon an source]
Mga panluwas na takod[baguhon | baguhon an source]
- Panindog sa Facebook
- UP Harong Academic Festival (Pahina sa Facebook)
- Direktoryo kan mga Pang-estudyanteng Organisasyon sa U.P. Diliman
