Jacinto Ursua

Si Jacinto Aureus Ursua (Hulyo 1, 1885 - Desyembre 10, 1958) saróng Bikolista, kagsurat kan hayokong na obra historikal na tituladong "Halipot na Agi-agi kan Buhay ni Elias P. Angeles asin Felix Plazo."

Pamilya

Siya namundag sa Libmanan, Camarines Sur asin aki siya ni Vicente Ursua ki Tecla Aureus y Ibarra.

An napangagom niya iyo si Rosario Imperial y Estrada (Marso 10, 1892 - Des. 9, 1973), aki ni Jose Imperial y Belleza asin Mercedes Estrada y Arroyo. Kinasal sinda kan Hulyo 22, 1911 sa Pili, Camarines Sur. An saindang pagsasaro, nagbunga nin tolong aki, anas babae: si Beatriz, Remedios asin Dolores.

Karera

Si Ursua duwang beses nagin konsehal sa Libmanan (1922 - 1928). Nanombrahan man siyang sekretaryo kan Libmanan (1906), tesorero munisipal sa Pili (1907) asin kan Baao (1907-1908. )Siya parasurat sa Espanyol asin sa tataramon na Bikol, mala ta siya may mga kontribusyon sa mga peryodikong Kastila sa Manila asin man mga ambag nasusurat sa Bikol sa mga magasin asin peryodikong linalagda sa Manila, sa Legazpi asin sa Naga.

An mag'agom pareho nakalubong sa sementeryo kan Penafracia, sa syudad nin Naga.

Kataytayan nin mga ladawan

• 
  Libritong tinokdâ ni Jacinto Ursua

Hilinga man

• Ignacio Meliton
• Merito Espinas

Mga panluwas na takod

• Tronco kan mga Ursua