A Pale View of Hills
First edition cover | |
| Nasyon | United Kingdom |
|---|---|
| Tataramon | English |
| Genre | Novel |
| Kagpublikar | Faber and Faber |
Taon kan publikasyon | February 1982 |
| Klase nin media | Print (Hardback & Paperback) |
| Pahina | 192 pp (hardback first edition) |
| ISBN | 0-571-11866-6 (hardback first edition) |
| OCLC | 8303689 |
| Sinundan kan | An Artist of the Floating World |
An A Pale View of Hills (1982) an inot na nobela kan kaggana kan Premyo Nobel na si Kazuo Ishiguro. Ginana kaini kan 1982 an Winifred Holtby Memorial Prize. Nakaresibe man sya nin £1000 hali sa mga paralimbag na Faber and Faber makalihis na makipagnuparan kay Robert McCrum, an fiction editor.[1]
An A Pale View of Hills saring istorya ni Etsuko, Haponesa na yaon na gayo sa ikagurang nyang edad asin solong nag-iistar sa Inglatera. Nagpuon ini sa sarong diskusyon manungod sa pagkua kan sadiring buhay kan saiyang matuang aki na si Keiko. An pag-ulay nangyari sa tahaw ninda Etsuko asin an nguhod nyang aki na si Niki.
Buod
[baguhon | baguhon an source]Pigrurumdom ni Etsuko an saiyang buhay kaidto sa Japan kan sya hoben pa asin kan pigbayaan nya na an lugar na ini tanganing magduman sa Inglatera. Nangyari ini kan magbisita sya sa saiyang aki na si Niki. Sabi nya, sya asin an saiyang Hapon na agom, si Jiro, nagkaigwa nin aki, alagad makalihis sana an pirang taon nakamidbid si Etsuko nin Briton dangan nagpasiring sinda sa Inglatera. Pigdara nya an saiyang matuang aki na si Keiko sa Inglatera tanganing duman na mag-istar kairiba kan bago nyang agom. Kan magkaigwa sinda nin aki, muya ni Etsuko na apudon ini sa mas modernong pangaran alagad an saiya man na agom, muya na an ngaran katanog kan mga ngaran sa Sirangan. Napag-uyonan kan duwa na apudon ining Niki, na sa pagmati man ni Etsuko tanog Briton, asin sa saiya man na agom, tanong Hapon.
Sa Inglatera, labi an pagkamundo ni Keiko asin dai nya naman nagin suno makipagparapakiulay sa mga tawo. Narumduman ni Etsuko, na mantang nagkakaedad si Keiko, pirmi haros ining nasa laog sana kan saiyang kwarto asin mabutwa sana tanganing kuahon an winalat saiyang kakanon. Nagpundo an siring na gawi, hasta sa maaraman na kan parabasa na pigkua palan ni Keiko an saiyang sadiring buhay. "An saimong ama", sabi ni Etsuko ki Niki, "ideyalistiko man paminsan... Nagtubod sya na magigin maugma igdi si Keiko... Alagad hilingon mo Niki, sa inot pa sana aram ko na. Aram ko na sa inot pa sana, na dai sya magigin maugma igdi."
Pig-istorya ni Etsuko ki Niki na igwa syang amiga dati sa Japan na an ngaran Sachiko. Si Sachiko igwang aki na an ngaran Mariko, na pigrurumdom man ngani ni Etsuko na ini pirmi sanang solo asin dai nakikisalamuha sa mga tawo. Narumduman man ni Etsuko na idtong si Sachiko nagplanong darahon si Mariko sa Amerika kairiba an sarong suldadong Amerikano na namidbid sana bilang si "Frank". An istoryang ini ni Sachiko nakakaparehong maray ki Etsuko.
Mga Karakter
[baguhon | baguhon an source]- Etsuko – mayor na karakter; may edad na, Haponesa
- Keiko – an matuang aki ni Etsuko na pigkua an sadiring buhay
- Niki – ikaduwang aki ni Etsuko sa agom nyang Ingles
- Sachiko – babaying midbid ni Etsuko, asin posible man na iyo an nagigin panalmingan ni Etsuko kan saiyang mga maraot na memorya, mga nagkakairisip dangan mga pangyayari
- Mariko – aki ni Sachiko na tibaad representasyon man sana kan aki ni Etsuko na si Keiko
- Jiro – an inot na agom ni Etsuko
- Ogata-san – ama ni Jiro
- Frank – an lalakeng kairiba ni Sachiko pasiring sa Amerika
- Mrs. Fujiwara – an kagsadiri kan noodle shop na nagtau nin trabaho ki Sachiko
- Hanada – amigo ni Jiro na kadiit pang humbalan nin golf club an saiyang agom
- Shigeo Matsuda – estudyante sa klase ni Ogata-san'
Resepsyon
[baguhon | baguhon an source]Marhay an nagin tuyaw kan mga kritiko sa nobela urog sa misteryoso kaining tono. An The New York Review of Books inapod ining "eery and tenebrous. It is a ghost story but the narrator does not realise that."[2] Sabi man kan The New York Times an nobelang ini "infinitely ... mysterious", and the inconsistent tone of the narrator, with the graphic imagery in the book combined to create "the absolute emblem of our genius of destruction".[3]
Toltolan
[baguhon | baguhon an source]- ↑ Nicholas Wroe (19 February 2005). "Living memories". The Guardian. Archived from the original on 25 May 2010. https://web.archive.org/web/20100525015739/http://www.guardian.co.uk/books/2005/feb/19/fiction.kazuoishiguro. Retrieved on 27 June 2010.
- ↑ Annan, Gabriele. "On the High Wire" (in en-US). The New York Review of Books. https://www.nybooks.com/articles/1989/12/07/on-the-high-wire/.
- ↑ "IN A JAPAN LIKE LIMBO" (in en). https://www.nytimes.com/1982/05/09/books/in-a-japan-like-limbo.html.
Iba pang babasahon
[baguhon | baguhon an source]- Faber and Faber, Faber Book Club: A Pale View of Hills by Kazuo Ishiguro. Retrieved 27 June 2010.
Panluwas na takod
[baguhon | baguhon an source]- Kazuo Ishiguro discusses A Pale View of Hills with Malcolm Bradbury - a British Library sound recording