An Artist of the Floating World

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
An Artist of the Floating World
Ladawan:ArtistOfTheFloatingWorld.jpg
First edition
NasyonUnited Kingdom
TataramonEnglish
GenreHistorical novel
KagpublikarFaber and Faber
Taon kan publikasyon
1986
Klase nin mediaPrint (Hardcover, Paperback)
Pahina206 pp
ISBN0-571-20913-0
OCLC52638142
Bàgo kanA Pale View of Hills
Sinundan kanThe Remains of the Day

An An Artist of the Floating World (1986) sarong nobelang ipigsurat kan premyadong parasurat na si Kazuo Ishiguro. Nangyari an istorya makalihis sana an panduwang gerang pankinaban sa boses kan sarong nag-eedad nang pintor na si Masuji Ono. Narisa nyang gayo kun panong an saiyang marhay na reputasyon nagbago asin nagparaluway na sana kan magtapos an gera asin kun panong an nagbago an paghiling saiya asin sa saiyang mga obra. An pinakakaipuhan nyang resolbaron iyo an manungod sa mga dati nya nang nagkaginiribo asin an makakua nin katuninongan sa tahaw kan mga tawong igwa nin marhay na trabaho. Pigtutukar kan nobela an piggagampanan kan mga tawo sa nagpapararikas na pagbago kan kapalibotan.

Maikakategorya an nobela sa historical fiction asin man global literature.

(Weltliteratur). Masasabi ining historical literature huli ta nagbabasar ini sa nakaagi na. Maibabali man ini sa global literature huli ta igwa ini nin dakulang nasasakupan na market asin pwede ini mapagbasaran sa pag-adal kan pagkasurusurumpay kan satong kinaban.

Kasaysayan kan publikasyon[liwaton | liwaton an gikanan]

Naipublikar ini kan 1986 asin nakapagresibe man nin pirang darakulang onra. Pigpublikar ini kan Faber and Faber dangan ipig-imprenta man kan Allen and Unwin saka kan Penguin Vintage International. Igwa man ini nin bersyon nin eBook na makukua sa kindle asin iBooks poon pa kan 2012.[1] Naipalis na ini sa haros 40 lenggwahe sa bilog na kinaban.[2]

Awtobiyograpikal na mga elemento[liwaton | liwaton an gikanan]

Si Kazuo Ishiguro minundg sa Nagasaki, Japan kan 1954, asin nagpasiring sa England sa edad na sinko anyos, asin nagbwelta sana man sa Japan makalihis an bente-nwebeng taon. Nakaapektar ini sa kun pano nya ipigsusurat an manungod sa Japan sa saiyang mga panurat.[3] An pagpaparabasa man kan Japanese comics an nagin paagi tanganing dagos man nanggad syang magin konektado sa saiyang nasyun mantang yaon sa Subangan na nasyun.

An pagkakamuya ni Ichiro sa mga cowboy gikan man sana sa pagkagusto ni Ishiguro igdi kan sya hoben pa.[3] An nagtulod ki Ishiguro na isurat an An Artist of the Floating World iyo man sana an saiyang sadiring nobelang A Pale View of Hills, kun sain makukua igdi an istorya kan sarong maestro na pighihiling an saiyang nakaagi asin pigrerekisa an saindang mga moralidad. Pigpapahiling igdi an saiya man na padagos na pagdidiskubre asin pagbabago sa sadiri sa kada taon na nag-aagi. Dugang pa kaini an manungod sa saiyang pagparibay-ribay nin istaran asin man kun pano an saiyang ginigibo tanganing matuod sa bagong lugar na ini.[4] An kagabsan kan nobela repleksyon kan personal na pagmati ni Ishiguro sa saiyang sadiring nasyun.[5]

Titulo[liwaton | liwaton an gikanan]

An titulo kan nobela basado sa literal na pagpalis kan tataramon na Ukiyo-e na an boot sabihon iyo an arte kan pag-iimprenta kan mga Hapon. Mababasa man ini bilang "printmaker" o "an artist living in a changing world", kun sain mahihiling an limitadong pag-intindi ni Ono sa mga pagbabago sa palibot nya, an Japan sa kabangaan kan ika-20 siglo. Igwa man ini nin reperensya sa sarong artisitic genre. Interesado an maestro sa sarong senaryong mahihiling sa sarong villa na makukua harani sa saindang istaran. Piglaladawan ni Ono an nagpapataw-pataw na kinaban na ini kada banggi. Nag-eeksperimento an saiyang maestro sa ibang pan-Subangan na teknik nin pagpipintura. Naggibo man nin sadiring direksyon kan saiyang karera si Ono.

Istruktura[liwaton | liwaton an gikanan]

An An Artist of the Floating World, nakaistruktura sa mga pagrumdom ni Masuji Ono. Nababanga ini sa tulong iba-ibang taon, kun sain nag-aabot pa sa panahon na sya aki pa. An apat na taon asin tulong pagkakabanga kan nobela iyo an: Oktubre 1948, Abril 1949, Nobyembre 1949, asin Hunyo 1950..


Toltolan[liwaton | liwaton an gikanan]

Panluwas na takod[liwaton | liwaton an gikanan]