Ako Bicol

Gikan sa Bikol Sentral na Wikipedia, an talingkas na ensiklopedya
Jump to navigation Jump to search

An Ako Bicol (AKB) Partido Pulitika sarong partido pulitikal sa Filipinas na nagpapartisipar sa eleksyon nin party-list sa Filipinas. An pigrerepresentar kaini iyo an Ronang bicol asin an Banwang Bikolnon. Kan 2016 eleksyon, an AKB iyo an nangenot asin nangimbabaw na partylist na nakasikwit nin 1,664,975 na boto, na bunga kaini nakua an 3 pwesto sa Kongreso.[1][2]

Likodtanaw[liwaton | liwaton an gikanan]

Susog sa pabisto kaini, an AKB sarong hiron kan mga indibidwal, na magsalang residente sa ronang Bicol, namundag sa mga magurang na Bicolano, o nag'erok sa Bicol o basta interesadong gayo mag'andorog sa pagsurog asin pagtolod kan karahayan asin interes kan rona asin mga kahimanwa igdi, na binibistong mga "Bicolano", sa katuyohan na mabugkos sinda sa paghingoa na mapagantad asin mapauswag an rona paagi nin mga programa asin mga proyekto na malaban sa pagtios, magwaras nin mga serbisyo sosyal, magtogdas nin hustong pag'empleo, maggarantiya nin hustisya sosyal, asin pagrespeto sa deretsong pantawo, magsurog sa kabanalan kan buhay nin tawo, mapakarhay an pagtaong serbisyo para sa salud, mademokrata an edukasyon asin pageensayo, pagkobkob sa kapalibotan, pagpa'orog kan pag'andam sa mga katibaaran, asin magtolod kan partisipasyon kan mga bagongtawo, mga kababaihan, mga naiibang gender, asin mga may kakundian na mga indibidwal, siring man mga magugurang nang namamanwaan sa pagpapusog kan nasyon.[3]

An AKB daa pighihingoa man na mapakusog an pagtubod sa sadiri asin mapa'orog an patriotismo sa mga Bicolano paagi nin pagpadangat kan historya , arte asin kultura kan Bicol, pagtaong hustong paggalang asin pag'apresyar sa mga heroeng Bicolano, mga personalidad sa bilog na banwaan na tinitingag asin pwedeng magin arogan na modelo sa pagtalubo kan rona sa lantad nin historya asin kultura, asin pagpatibay kan boot nin mga Bicolano sa tahaw nin mga kalamidad asin remalaso, dungan sa pagtalikod sa mga kaugalean na nagigin bagat sa pag'uswag.[4]

Mga Representante sa Kongreso[liwaton | liwaton an gikanan]

Kan nakua an pinakahalangkaw na pwesto sa 2016 eleksyon, an AKB nata'wan 3 tukawan sa ika-17ng Kongreso nin Filipinas. An 3 representante kaini iyo sinda Hon. Rodel M. Batocabe, Hon. Christopher S. Co, asin Hon. Alfredo A. Garbin, Jr.

Mga enot na taon[liwaton | liwaton an gikanan]

An AKB nagpoon ini komo sarong kaayonan na pribado dara an ngaran na "SOS Bicol," na nag'agap asin nag'ayuda sa mga residente sa Bicol na biktima kan Bagyong Reming; ini nagmukna man mga programang pang-kabuhayan sa mga residenteng nalamasang gayo kan su 2009 pagtuga kan Bulkan Mayon.

Mga panluwas na takod[liwaton | liwaton an gikanan]

  • [1] Ako Bicol Party-List: It’s Not Over Until It’s Over. Kinua 5-8-16.
  • [2] Ako Bicol sending heavy equipment... Kinua 5-8-16.

Toltolan[liwaton | liwaton an gikanan]