Bagyong Reming
An Bagyong Reming, bisto sa luwas kan Filipinas na Typhoon Durian, nagdulot nin makuring danyos sa isla nin Luzon kan Nobyembre 2006. Kan Nobyembre 30, 2006, si Reming nagin ika-apat na unos katumbas sa pwersang Category 4 sa sukol kan Saffir-Simpson scale. An bagyo nagbaktas sa nasyon hinagop an gilid kan Catanduanes alagad an piglamasang grabe iyo an sur-subangan nin Luzon orog na sa palibot kan Bulkan Mayon, sa rona' nin Bicol. Daing otahot na uran nagkawsa nin hibog na tubig nag'aabot 600 mm (24 in), asin ini nagpabulos nin lahar na natupas sa gilid kan bulkan. Anom na mga baryo sa palibot nalagarto asin ribong harong narumpag asin dinara kan marikas na sulog.
Ratak kan bagyo
[baguhon | baguhon an source]An Bagyo Reming apektado an mga 3.5 milyon katawo sa Filipinas, na mga 120,000 kaini binayaan kan bagyo na mayo nang masirongan na harong. An Reming rinaot 588,037 na harong, kaiba na diyan an 228,436 na biyong rinugba, na kadakulan palibhasa gibo sana sa mga kahoy. Sa kahiwasan kan nasyon Filipinas, 5,685 na mga eskwelahan an nagkagaraba, danyos na naabot EU$ 63.5 milyon. An ronang Bicol nagsapo nin 79% sa raraot na mga eskwelahan, na apektado an 357,400 na kaakian nagkaklase. Sa kabiyoan, piggagaom an danyos uminabot Php 5.45 bilyon, o $110 milyon USD. Kan Desyembre 27, 2006, natantya na an bilang kan nagkagaradan yaon sa 734, asin 762 an nawawara'. Ikaapat na bagyong uminagi sa Filipinas, an International Disaster Database nalista 1,399 na gadan sa Filipinas nin huli kan bagyong Durian, bagay na masabing iyo na an ikaduwang pinakagrabeng disaster kan 2006 sunod sa linog sa Indonesya.[1][2]
