AlDub

An AlDub iyo an supercouple kan Filipinas na kun saen enot iyan na naglataw sa porsyon na Kalyeserye kan segment na "Juan for All, All for Juan" kan variety show na Eat Bulaga! Inapod man sindang "phenomenal love team" huli sa saindang paglangkaw kan popularidad pagkatapos na sinda aksidenteng ipades kan Hulyo 16, 2015 na episodyo kan porsyon na Problem Solving kan "Juan for All, All for Juan" na sa huri nagin enot na episodyo kan Kalyeserye. An AlDub ginuno gikan sa portmanteau kan karakter kan tandem sa Kalyeserye, igwa nin ngaran na Alden Richards, na igwa nin papel kan fictionalized na bersyon niya, asin Yaya Dub (Divina Ursula Bokbokova Smash, sarong playful na reverse-acronym kan Dubsmash), na piggampanan kan Reyna kan Dubsmash na si Maine Mendoza, na sa kapinonan dai nagtataram asin nagkikipag-olay sana sa paagi kan pag lip-sync.

Kapwa sinda nag-ayon sa pagigin cast kan programa kaidtong 2015, si Richards enot na naglataw bilang host kan Eat Bulaga! segments, siring kan porsyon na "That's My Bae"; mantang si Mendoza orihinal na naglataw bilang si Yaya Dub sa porsyon kan pasale na"Problem Solving". Pagkatapos na sinda magtuparan kaidtong Septyembre 2015 asin si Yaya Dub nagtogot na magtaram, an interaksyon kan couple bako nang limitado sa split screen asin lip-syncing.

Sa luwas kan Kalyeserye, sinda man giraray an pigpapanongdan bilang AlDub maski na ngani dai na ninda piggagampanan an saindang mga karakter sa Kalyeserye.

Nagin sinda endorser nin produkto asin naglataw sa mga pelikula, urog na sa My Bebe Love: #KiligPaMore asin an saindang solong pelikula na Imagine You & Me.

Kaidtong 2017 nagtampok an AlDub nin sarong romantikong komedyang teleserye na Destined to Be Yours, na inere kaidtong Pebrero 27, 2017 sagkod kaidtong Mayo 26, 2017.