Kalyeserye
An Kalyeserye iyo an soap opera parody segment na inere nin live sa pang-udtong variety show sa Filipinas na pig-aapod na Eat Bulaga! sa GMA Network. Nakasentro an mini-show sa AlDub, sarong piksyunal na mag-ilusyon — o "love team" bilang komun na midbid sa Filipinas — ninda Alden Richards asin si "Yaya Dub" na iyo an karakter ni Maine Mendoza na kun saen an duwa nag-oolay sa paagi kan pag-lip sync sa manlaenlaen na pop songs asin audio clip kan mga pelikula siring man an mga mensaheng nakasurat, asin nag-iinteract sana sa split screen frame kan pasale. Si Richards parating nakabase sa Broadway Centrum studio kan Eat Bulaga! sa Quezon City, Metro Manila mantang si Mendoza nagbabiyahe sa manlaenlaen na panluwas na lokasyon.
An "Kalyeserye" iyo an kawat sa katagang Filipino na teleserye (television series) asin iyo an portmanteau kan Tagalog na mga kataga na kalye (tinampo, gikan sa Spanish calle) asin serye (series, serie). Iyan an ginibong kataga ni Joey de Leon, saro sa mga pangenot na hosts kan Eat Bulaga!, tanganing magpanongod sa lokasyon sa luwas kan studio, na kun saen sa parati pigkukua sa luwas sa mga tinampo kan Metro Manila o sa mga probinsya kan Filipinas na nagsisirbi bilang hararayong setting kan parody segment.
Naporbaran kan porsyon na magin matrayumpo sa kapwa sa broadcast television asin social media, na nagresulta sa sarong signipikanteng pagdugang kan paradalan asin kasikatan kan Eat Bulaga! sa saiyang ika-36 na taon sa alingan kan Filipinas. Dugang pa, iyan nakakontribwir nin marhay sa paglangkaw kan karera ninda Richards asin Mendoza.[1]
Pansamantalang nagtapos an Kalyeserye kaidtong Septyembre 3, 2016[2] asin buminalik kaidtong Oktobre 15, 2016, pagkatapos kan sarong bulan na pahingalo.[3] An segment nagkaigwa nin hiatus kaidtong Septyembre 3, 2016, asin an bilog na segment nagtapos kaidtong Desyembre 17, 2016.
Toltolan[baguhon | baguhon an source]
- ↑ "How Kalyeserye has changed Alden, Maine". GMA News Online. January 14, 2016. Retrieved 2016-01-27.
- ↑ Abanilla, Clarizel (5 September 2016). "Eat Bulaga's 'Kalyeserye' officially ends". Philippine Daily Inquirer. http://entertainment.inquirer.net/200858/kalyeserye-officially-bids-goodbye.
- ↑ Dimaculangan, Jocelyn (October 15, 2016). "Maine hints at having children with Alden during their pamamanhikan". PEP (Philippine Entertainment Portal). Retrieved October 17, 2016.
