Aleksandrs Klinklāvs
| Aleksandrs Klinklāvs | |
|---|---|
| Kamundagan | Pebrero 7, 1899 Sēja parish (ngonyan Saulkrasti Municipality), Kreis Riga, Governorate of Livonia, Imperyong Ruso (ngonyan Latvia) |
| Kagadanan | Oktobre 6, 1982 (edad 83) Chicago, E.U. |
| Nasyunalidad | Latvian |
Si Aleksandrs Klinklāvs (Pebrero 7, 1899 – Oktobre 6, 1982)[1][2] sarong Leton na arkitekto.
Edukasyon
[baguhon | baguhon an source]Kan 1930, siya naggradwar sa University of Latvia Faculty of Architecture.[1]
Karera
[baguhon | baguhon an source]Kaamayi nin 1930 siya nagpoon nang magtrabaho sa departamentong pang'edipisyo kan Latvian Red Cross asin nagkaag siya sadiring opisina sa arkitektura. Poon 1936 abot 1940 siya nagtrabaho sa Latvian Chamber of Crafts. Durante kan Ikaduwang Gerang Pankinaban siya naghubo sa Alemanya asin kan 1948 siya naglipat asin nag'estar na sa Kanada. Siya nagtrabaho sa kompanyang arkitektural Barott, Marshall & Meritt, kun saen siya an mayor na paradesenyo; kan 1959 siya nangagin mayor na paradesenyo sa sarong kompanyang arkitektural sa Chicago, an Jensen, Halstead & Rummel. Si Klinklāvs nagpartisipar sa pagtugdas kan Latvian Theater of Montreal.[1]
Sa lista nin saiyang mga proyekto igwang mga napahaman siyang mga hospital asin mga edipisyong pampubliko. Sa Latvia siya an may proyekto kan pagtugdok nin edipisyo para sa Ministro nin Pinansya nin Latvia, an Sanatorium sa Tērvete, an edipisyo nin G. Ērenpreis Bicycle factory sa Riga.[1][3]
Mga piling edipisyo pigpahaman ni A. Klinklāvs
[baguhon | baguhon an source]-
An munisipyo nin Rūjiena tinugdok kan 1935 -
Edipisyong pan'opisina sa Skolas iela 5, Riga tinugdok kan 1937. -
Edipisyo nin Tērvete sanatorium, Tērvete tinugdok kan 1932 (katuwang si A. Kalniņš). -
Edipisyong residensyal sa Brīvības iela 40, Riga tinugdok kan 1938.
Toltolan
[baguhon | baguhon an source]- ↑ 1.0 1.1 1.2 1.3 Encyclopedia of Latvia/ Latvijas enciklopēdija. 3. sējums. Rīga.Publisher: Valērija Belokoņa izdevniecība. 2005. ISBN 9984-9482-3-4.
- ↑ "Aleksandrs Klinklāvs".
- ↑ From Leutner to Erenpreis. 100 years of bicycle manufacturing in Latvia by Edvīns Liepiņš, Jānis Seregins (2009). Published: in Rīga, publisher: Latvijas 143 80085 Industriālā mantojuma fonds. ISBN 9934-805-00-6.
