Alfred Cortot

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Alfred Cortot
Alfred Cortot 01.jpg
KamundaganAlfred Denis Cortot
(1877-09-26)26 Septyembre 1877
Nyon, Vaud, Switzerland
Kagadanan15 Hunyo 1962(1962-06-15) (edad 84)
Lausanne, Vaud, Switzerland
TrabahoPiyanista, konduktor

Si Alfred Denis Cortot (26 Septyembre 1877 - 15 Hunyo 1962) sarong Pranses-Sweso na pianista asin konduktor na bantogan na gayo bilang musikero klasikal sa ika-20ng siglo. Siya pinapahalagahan nanggad huli kan mga poetikong interpretasyon niya kan mga obra sa piyanong mga Romantikong musika arog kan ki Chopin, Saint-Saëns asin ki Schumann.[1][2]

Mga amay na taon/gibo[liwaton | liwaton an gikanan]

Aki nin sarong Pranses na ama asin Swesong ina, si Alfred Cortot namundag sa Nyon, Switzerland kan 1877. Kan siya aki pa an saiyang pamilya naghubo sa Paris asin siya sa edad na siyam nag'ayon sa Consaervatoire kun saen siya enot nag'adal piyano ki Émile Decombes. (1829–1912) asin kan edad 15, ki Louis Diémer (1843–1919). Si Cortot nag-debut kan 1897 na an saiyang ikinawat sa piyano iyo an Beethoven’s Piano Concerto No. 3 in C minor, Op. 37, asin nagtaong piano duet recital kapadis ni Edouard Risler (1873–1929) na saindang kinawat iyo an pahayag sa musika na ki Wagner na kaipo an apat na kamot. An saiyang gama-gama sa kompositor na Aleman na si Wagner nagresulta na siya magin sarong choral coach, dangan assistant conductor sa Bayreuth sa irarom nin pamahala ni Felix Mottl asin ni Hans Richter. An eksperensya niya sa Bayreuth nagtaong kakayahan saiya na darahon an musika ni Wagner sa mga Pranses na paradangog, asin kan 1902 saiyang minukna an Société de Festivals Lyriques, na paagi kaini saiyang kinondukta an Paris première kan Götterdämmerung kan bulan nin Mayo kan taon na idto. Sunod na taon, si Cortot nag'organisar naman nin sarong kasararoan kun saen nagin pasil saiya an pagkondukta naman nin performance kan mga mayor na obra arog kan ki Brahms Requiem, Liszt St Elisabeth, Beethoven Missa Solemnis asin Wagner Parsifal. Siya pakahaloy-haloy kaini, nagin konduktor kan Société Nationale, na sige niya itinotolod an mga obra kan mga kagurubay niyang mga kompositor na Pranses.[3]

Kan Ikaduwang Gerang Pankinaban[liwaton | liwaton an gikanan]

Kan Ikaduwang Gerang Pankinaban, si Cortot nagsuporta asin nag'oyon kan pagsakop kan Alemanya sa Pransya. Inako niya an katongdan komo Haut-Commissaire ("High Commissioner") para sa arte sa Gobyerno Vichy asin duwang beses nagserbi (1941 asin 1942) bilang myembro kan Conseil national ("National Council") sa gobyerno. Nag'aayon siya sa mga opisyal na konsyerto ginigibo sa Paris durante kan okupado an Pransya asin siring man maski sa mga konsyerto sa laog kan Alemanya kan 1942. Kan matapos an gera, siya nakuang maykasalan sa akto niyang pagkampi sa mga Aleman asin an kastigo saiya kan gobyerno Pranses, iyo an pagsuspindir saiya na dai nanggad magtogtog nin sarong taon. Kan magtapos an suspensyon, siya nagbalik sa entablado pagtogtog mala ta nakasobrang 100 na konsyerto an nagibo niya sa lambang season.

Mga panluwas na takod[liwaton | liwaton an gikanan]

  • [4] Mga togtog sa pyano ni Alfred Cortot.

Toltolan[liwaton | liwaton an gikanan]

  1. [1]www.nytimes.com. Kinua 12-04-18
  2. [2]www.naxos.com. Kinua 12-04-18
  3. [3]www.naxos.com. Kinua 12-04-18