Andres D. Bautista

Gikan sa Bikol Sentral na Wikipedia, an talingkas na ensiklopedya
Sa Pangarang Pilipino, an katahawang pangaran o maternal na pangaran nin pamilya iyo an Donato dangan an apelyido o paternal na pangaran nin pamilya iyo an Bautista.
Juan Andres D. Bautista
Bautista kan 2017
Chairman of the Commission on Elections
Termino
Abril 28, 2015 – Oktobre 23, 2017
Appointed by Benigno Aquino III
Suminunod ki Christian Robert S. Lim (acting)
Sixto Brillantes
Sinundan ni Christian Robert S. Lim (acting)
Sheriff Abas
Chairperson of the Presidential Commissioner on Good Government
Termino
Septyembre 13, 2010 – Abril 27, 2015
Suminunod ki Camilo Sabio
Sinundan ni Richard Roger Amurao (Acting Capacity)

Si Juan Andres "Andy" Donato Bautista iyo an dating chairman kan Commission on Elections (COMELEC) kan Filipinas asin dating dekano kan Institute of Law kan Far Eastern University, sarong pribado, non-sectarian na unibersidad sa Manila, Filipinas.[1][2]

Si Bautista myembro kan Consultative Commission on Charter Change, sarong independyente grupo pig'organisar kan 2005 ni |Presidente Gloria Macapagal Arroyo sa pag'adal nin mga posibleng enmyenda sa 1987 Konstitusyon nin Filipinas.

Siya parati kinukuang paralektura dapit sa ley konstitusyonal nin Filipinas asin dapit sa kamugtakan kan edukasyon legal sa nasyon.

Edukasyon[baguhon | baguhon an source]

Si Bautista may Bachelor of Science sa Legal management na degree sa Ateneo de Manila University kan 1986,, Bachelor of Laws (Class Valedictorian) sa Ateneo Law School kan 1990, asin Master of Laws sa Harvard Law School kan 1993.

Karera[baguhon | baguhon an source]

Poon 2002 abot 2005, si Bautista nagin presidente kan Philippine Association of Law Schools. Siya nagin man bar reviewer sa constitutional law sa National Bar Review Consortium (2003–2008), tagalektura sa constitutional law asin project finance sa Ateneo Law School a Far Eastern University institute of Law, trustee sa Philippine Judicial Academy, myembro kan Supreme Court Committee on Legal Education and Bar Matters, myembro kan governing board kan Mandatory Continuing Legal Education Office, vice president kan academic affairs of the Philippine Constitution Association, asin mman direktor kan corporate secretary kan British Chamber of Commerce.

Si Bautista dati man dekano nin FEU Institute of Law asin Master of Business Administration-Juris Doctor dual degree program kan De La Salle Graduate School of Business asin Far Eastern University. Siya sa presente chairman kan board of directors kan Makati Shangri-la Plaza Hotel.

Kan siya law student, si Bautista nagserbi bilang judicial clerk ki Chief Justice Marcelo Fernan poon 1989 abot 1992.

Kan 2014, siya nasalidahan ni Atty. Mel Sta. Maria bilang FEU Law dean.

Commission on Elections asin an soboot 2016 darayaan sa eleksyon[baguhon | baguhon an source]

Kan Agosto 2010, si Bautista nanombrahan ni Presidente Benigno Aquino III bilang chairman kan Presidential Commission on Good Government. [3] kan Abril 28, 2015, si Presidente Benigno Aquino III pigpirmahan an nombramiento ni Bautista komo bagong COMELEC chairman. An nombramientong inni nagkawat nin immportanteng papel sa 2016 elekyon heneral nin Filipinas, kun saen dakul na isyu asin akusasyon naglilibot sa medya asin sa online social networks manongod kan manipulasyon sa resulta kan eleksyon kan dominanteng partido politikal kan panahon na idto, Liberal Party (Philippines).[4][5][6]

An kampo kan nadaog na kandidato sa pagkabise-presidente, si Bongbong Marcos nagsasabi asin nagpresentar ninreport nin mga iregularidad sa hash code kan data na itinao kan transparency server kan COMELEC. An COMELEC nagpapliwanag na nangyari ini resulta kan paghira kan karakter na 'Ñ' na dai nagluwas na toltol sa output.[7][8][9]

Saro pang akusasyon kan kampo ni Marcos iyo an mga pig'uusip na may pagkadai-surubo kan data na itinatao kan nasabing transparency server, kun saen nabawasan an bilang kan boto pa logod. Sabi ni Bautista na ini nangyari ta hinale ninda idtong mga "test votes" na nakabali sa bilang na opisyal kan boto na dai tinutuyo.[10] Alagad an mga suportador ni Marcos nagtutubod na an pangyari manipulasyon kan sistema nin botohan, asin si Bautista daa may direktang kamot sa manipulasyon.

Akusadong Money-laundering sa Estados Unidos[baguhon | baguhon an source]

An agom ni Bautista na si Patricia na sayod na biyang na saiya, ibinulgar siya sa National Bureau of Investigation (NBI) na siya duminulag nang paEstados Unidos. Si Bautista pigkasohan nin "Money-laundering" asin "conspiracy" kan Department of Homeland Security’s Homeland Security Investigations (HSI) sa US District Court kan Southern District of Florida ining Septyembre 19, 2023. Sinasabi ni Patricia na soboot si Bautista may ilegal na yaman na nagkakantidad 1 bilyon na pesos.[11]

Si Bautitsta akusado sa sala na nag'ako nin suhol sa sarong tech kompanya (Smartmatic) na makua lang an kontrata sa pagkapot kan automated election kan Filipinas kan 2016. .[12]

Si Bautitsta kuta sasangatan nin aksyon na impeachment kan Kongreso alagad dai pa ngani nakasangat an aksyon, ini nagdemitir na sa saiyang pwesto sa COMELEC asin kan Nobyembre 2017, nagdulag paEstados Unidos.[13]

Toltolan[baguhon | baguhon an source]

  1. ↑ "Profile: Chairman Juan Andres Donato Bautista". Archived from the original on 2017-08-11. Retrieved 2017-08-11. 
  2. ↑ "Comelec Chair Bautista's resignation effective immediately – Malacañang". 23 October 2017. Retrieved 2017-10-24. 
  3. ↑ "Andy Bautista to head PCGG". The Philippine STAR. Retrieved 2017-08-11. 
  4. ↑ "Comelec server 'rigged for Leni'". Archived from the original on 2016-05-12. Retrieved 2016-05-14. 
  5. ↑ "Miriam defends Bongbong, accuses gov't of 'manufacturing' numbers". 11 May 2016. Retrieved 2016-05-14. 
  6. ↑ "Malfunctioning vote machines, hot polling precincts, congestion mar elections". Archived from the original on 2016-05-10. Retrieved 2016-05-14.  Unknown parameter |url-status= ignored (help)
  7. ↑ "BBM vs Leni: Comelec-Smartmatic gives Sec. Abaya a run for his money". Archived from the original on 2016-05-16. Retrieved 2016-05-14. 
  8. ↑ "Comelec's Guanzon slams Smartmatic over hash code". 13 May 2016. Retrieved 2016-05-14. 
  9. ↑ "Comelec to formally probe hash code issue". Manila Bulletin. Retrieved 2016-05-14. 
  10. ↑ "Decrease in numbers in transparency server seen". Retrieved 2016-05-14. 
  11. ↑ [1] Bautisata may kasong money-laundering sa Amerika.
  12. ↑ [2] Bautisata may kasong money-laundering sa Amerika.
  13. ↑ https://www.cnnphilippines.com/news/2019/11/20/Andy-Bautista-NBI-hunt.html Archived 2021-10-03 at the Wayback Machine.. Kinua 2023-09-267.
Kinua sa "https://bcl.wikipedia.org/w/index.php?title=Andres_D._Bautista&oldid=270435"