Bongbong Marcos

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Si Bongbong Marcos


Si Ferdinand Romualdez Marcos, Jr. (namundag Septyembre 13, 1957), bantog sa gahang Bongbong Marcos, iyo an ikaduwang aki asin iyo sanang lalaki kan dating Presidente Ferdinand E. Marcos asin dating Enot na Gining na si Imelda R. Marcos. Siya sarong Filipinong pulitiko asin Senador sa ika-16 na Kongreso nin Filipinas.

Si Marcos nagsirbeng Gobernador nin Ilocos Norte (1983–1986, 1998–2007) asin bilang Representante kan Ika-2ng Distrito nin Ilocos Norte (1992–1995, 2007–2010) sa lindong kan Kilusang Bagong Lipunan, an partido pulitikal na tinogdas kan saiyang ama. Siya nagin man Deputy Minority Leader sa ikaduwang termino sa House of Representatives.[1] Kan 2010, si Marcos naelihir Senador kan Filipinas dara kan Partido Nacionalista. Si Senador Marcos nagkakapot komo pamayo kan magkapirang komite sa Senado, siring kan Committee on Local Government asin Committee on Public Works, asin kaapil sa magkapira pang mga komite.[2]

Kan Oktobre 5, 2015, si Marcos pigbuyagyag an saiyang kandidatura para Bise Presidente kan Filipinas sa nagdadangadang na eleksyon heneral 2016.[3]

Kaamayan kan buhay[liwaton | liwaton an gikanan]

Pagbisita kan pamilya Marcos sa Pentagon kan 1982.

Si Ferdinand R. Marcos, Jr. namundag kan Septyembre 13, 1957 sa mag-agom na si dating Representante Ferdinand E. Marcos asin Imelda Remedios Visitacion Romualdez. Nag-adal siya sa Institucion Teresiana asin La Salle Greenhills sa Manila, kun saen nakamit niya an edukasyon niya sa elementarya asin sekundarya.

Ginahaan 'Bongbong', si Marcos nagpapel sa pelikula kan tunay-sa-buhay na istorya kan saiyang ama sa tituladong pelikulang, Iginuhit ng Tadhana, bilang siya mismo, katampad si Vilma Santos na iyo an nagpapel bilang si tugang niyang si Imee Marcos, Luis Gonzales bilang si ama niya, asin si Gloria Romero komo iyo an ina niya.[4] An pelikula tuyong ipinasale bago mangyari an eleksyon heneral 1965 na kun saen an ama niya na senador dati, naelihir na Presidente kan Filipinas.

Edukasyon[liwaton | liwaton an gikanan]

Kan 1970, si Marcos pinaduman sa Inglatierra kun saen siya nag-estar asin nag-adal sa Worth School sarong gabosan-lalakeng institusyon kan mga Benedictino. Dangan kaidto, siya duman nagkua kan adal nin undergraduate. An saiyang resume soboot nagsasabi na siya nagtapos kan kurso bitbit an sarong Special Diploma in Social Studies hale sa Oxford University sa Inglatierra.[5] dawa totoo mayo man nin rekord na siya nagtapos sa siring na kurso sa nasabing unibersidad.

Si Marcos nag-entra sa programa nin Masters in Business Administration sa Wharton School of Business, University of Pennsylvania sa Philadelphia, Estados Unidos. Alagad, dai niya inantos na matapos huli ta nagkandidato siya asin nanggana bilang Bise Gobernador kan Ilocos Norte kan 1980.[6]

Karera sa pulitika[liwaton | liwaton an gikanan]

Pagpoon'poon[liwaton | liwaton an gikanan]

An karera sa pulitika ni Bongbong Marcos nagpoon kan siya maelihir Bise Gobernador kan Ilocos Norte (1980–1983) sa hubinon na edad na 23. Kan 1983, namoon siya sa sarong delegasyon nin mga Filipinong lider na mga hubinon pa man asin nagpaTsina sa 10-aldaw na misyon diplomatiko kun saen nagrorokyaw duman kan ika-10ng anibersaryo kan relasyon sa pag'oltan kan Tsina asin Filipinas.[7] Si Marcos nagsakat bilang Gobernador kan Ilocos Norte (1983–1986) hanggan pagputok kan inapod na Rebolusyon kan Banwang Kapangyarihan kun saen napatalsik sa poder an saiyang pamilya. Kaya siya nag-erok kaiba an mga kapamilya duman sa Hawaii, E.U.[8]


Kongreso, enot na termino[liwaton | liwaton an gikanan]

Si Bongbong Marcos iyo an saro sa magkapirang myembro kan saiyang pamilya na nagbaralik tolos sa Filipinas kan taon 1991. Pakalihis sanang sarong taon kaidto, siya naelehir na representante kan ika-2ng distrito nin Ilocos Norte (1992–1995).[9] Sa saiyang turno, si Marcos iyo an autor o kagmukna kan 29 House bill asin kapwa-autor kan 90 pa, na kabali diyan an nagtaong dalan matogdas an Department of Energy asin an National Youth Commission.[10] Siya instrumental man sa pagpagantad kan hiron nin Kooperatibismo ta itinagama niya an kadakulaan kan saiyang Countryside Development Fund (CDF) sa pag-organisar kan mga kooperatiba nin mga paratokdo asin mga paraoma sa saiyang ginikanan na probinsya.[11][12] Sa eleksyon para sa Senado kan 1995, si Marcos nagdalagan para Senador sa Senado nin Filipinas alagad dai nanggana.[13]


Toltolan[liwaton | liwaton an gikanan]

  1. "Senator Ferdinand "Bongbong" R. Marcos, Jr. – Senate of the Philippines". http://senate.gov.ph/senators/sen_bio/bmarcos_bio.asp. Kinua 27-02-16
  2. "List of Committees". Senate of the Philippines. February 5, 2014. http://senate.gov.ph/committee/list.asp. Kinua 27-02-16
  3. "Bongbong Marcos running for vice president in 2016". CNN. October 5, 2015. http://cnnphilippines.com/news/2015/10/05/bongbong-marcos-vice-president-elections-2016-the-filipino-votes.html. Kinua 27-02-16
  4. "The Philippine Star – Bongbong Marcos: iginuhit ng showbiz". http://www.bongbongmarcos.com/news/post/the-philippine-star-bongbong-marcos-iginuhit-ng-showbiz/. Kinua 27-02-16
  5. "Resume of Senator Ferdinand "Bongbong" R. Marcos, Jr. – Senate of the Philippines". http://senate.gov.ph/senators/sen_bio/bmarcos_resume.asp. Kinua 27-02-16
  6. "Bongbong Marcos: Oxford, Wharton educational record 'accurate'". http://www.rappler.com/nation/84959-bongbong-marcos-statement-oxford-wharton. Kinua 27-02-16
  7. "The Profile Engine". http://profileengine.com/groups/profile/436933420/bongbong-marcos. Kinua 27-02-16
  8. "The End of an Era – Handholding Ferdinand Marcos in Exile | Association for Diplomatic Studies and Training". http://adst.org/2015/02/the-end-of-an-era-handholding-ferdinand-marcos-in-exile/. Kinua 27-02-16
  9. "Blackwater | Smell good, Feel good.". http://blackwater.com.ph/index.php/home/bong_bong_marcos. Kinua 27-02-16
  10. "Highlights: Bongbong Marcos as legislator". http://www.rappler.com/newsbreak/iq/84936-highlights-bongbong-marcos-legislator. Kinua 27-02-16
  11. "Page not found |". https://northwatch.wordpress.com/2009/12/17/bongbong%25E2%2580%2599-says-urdaneta-close-to-his-heart/. Kinua 27-02-16
  12. "About Bongbong Marcos". http://www.bongbongmarcos.com/about/. Retrieved on kinua 27-02-16. 
  13. "Marcos hits alleged election cheating". http://www.upi.com/Archives/1995/05/22/Marcos-hits-alleged-election-cheating/1918801115200/. Kinua 27-02-16