Angela Manalang-Gloria
| Angela Manalang Gloria | |
|---|---|
| Minundagan | Angela Marie Legaspi Manalang Agosto 24, 1907 Guagua, Pampanga, Philippine Islands |
| Kagadanan | Agosto 19, 1995 (edad 87) Tabaco, Albay, Filipinas |
| Kasibotan | Pararawit |
| Alma mater | University of the Philippines |
| Agom | Celedonio Gloria |
| Mga akì | 3 |
Si Angela Manalang Gloria (1907–1995) sarong pararawit na Filipina nagsusurat sa Ingles.[1][2][3]
Kaamayi nin buhay[baguhon | baguhon an source]
Si Angela Marie Legaspi Manalang namundag kan Agosto 24, 1907, sa Guagua, Pampanga sa mga magurang niyang sa Felipe Dizon Manalang (namundag sa Mexico, Pampanga) asin Tomasa Legaspi. An pamilya ninda alagad naghubo sa Ronang Bicol, sa Tabaco, Albay. Siya nag'adal sa St. Agnes Academy nin Legaspi, kun saen siya naggradwar na valedictorian sa elementarya. Sa saiyang sekundarya, siya nag'entra na sa St. Scholastica's College sa Malate, Manila, kun saen an saiyang mga sinusurat nagpoon nang mareparo. Si Angela Manalang yaon sa enot na henerasyon nin mga babaeng estudyante sa Unibersidad nin Filipinas. Si Angela enot kuta nag'enroll sa law, sa swestyon kan saiyang ama. Alagad, sa giya kan saiyang propesor na si C.V. Wickers, na nagin mentor niya, siya naglipat sa literatura.[4]
Mga sinurat[baguhon | baguhon an source]
Durante kan saiyang edukasyon sa UP nagkaigwa sinda ni Jose Garcia Villa nin halawig na pagribalan. Pareho sindang duwa nagkompetensyahan na magin literary editor kan Philippine Collegian, na si Manalang nakapotan an posisyon nin duwang taon. Sa saiyang junior year, siya nagin katrato na si Celedonio Garcia na saiya man ngani nang inagom. Siya naggradwar summa cum laude may degree'ing Ph.B. kan Marso 1929.
Pakagradwar, siya bakong haloyan na nagtrabaho sa Philippine Herald Mid-Week Magazine. Alagad, napondo ini ta siya nagkahelang nin tuberkolosis.
Mga kahamanan[baguhon | baguhon an source]
Si Manalang iyo an kagsurat kan Revolt from Hymen, sarong rawitdawit na nagproprotesta laban sa paglupig nin agom, na bagay iyo an dai niya nasikwit an inaapod na Commonwealth Literary Award kan 1940. Siya man an kagsurat kan koleksyon nin mga rawitdawit na tituladong "Poems", na napublikar kan 1940 (asin pigrebisar kan 1950). An kadamotan igdi natipon an pinakamahusay niyang mga rawit kan mga amay na panahon asin idto pang dai napublikar na ginibo niya sa pag'ultan kan mga taon na 1934 sundo 1938. An ultimong rawitdawit niya, Old Maid Walking on a City Street makukua man sa nasabing kadamotan. An rawitdawit ini iyo man an saiyang entri sa Commonwealth Literary Awards, pero nadaog siya ni Rafael Zulueta y da Costa sa berso kaining Like the Molave.[1]
Personal na buhay[baguhon | baguhon an source]
Kan Marso 11, 1945, an saiyang agom na si Celedonio asin aki niyang si Ruben nahipa kan sarong patrolya nin Hapon sa Alitagtag, Batangas. An aki niyang si Ruben nabuhay sa enkwentro alagad an agom niya daing swerte nagadan. An bagay na ini nagdulot nin labilabing trauma sa aki niyang si Ruben asin siya hubin na nagin balo na nawalatan nin tolong aki na bubuhayon. Huli kaini, binayaan niya an pagsurat asin naglaog sa negosyo nin abaka na maray man an saiyang pagpadalagan.
Hilnga man[baguhon | baguhon an source]
Toltolan[baguhon | baguhon an source]
- ↑ 1.0 1.1 The Major Collections Filipino Writers in English: Angela Manalang-Gloria, Ateneo Library of Women's Writings, date retrieved: 27 May 2007
- ↑ Manlapaz, Edna Zapanta. Angela Manalang Gloria : a literary biography. Quezon City : Ateneo de Manila University Press, c1993.
- ↑ Manlapaz, Edna Zapanta. Filipino women writers in English : their story, 1905-2002. Quezon City : Ateneo de Manila University Press, c2003.
- ↑ "The life and times of Angela Manalang Gloria".
