Arnold Janssen

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Si Arnold Janssen
Rebulto ni Arnold Janssen sa Sacred Heart Parish Kamuning, Quezon City, Filipinas.


Ramon FVelasquez - Own work

Si San Arnold Janssen, S.V.D. (5 Nobyembre 1837 – 15 Enero 1909) sarong pading Katoliko Romano asin misionero na kagtogdas kan magkapirang komunidad relihiyoso. Pinakaenot na komunidad saiyang tinogdas iyo an Kaayonan nin Diosnon na Tataramon (Esp., Congregación del Verbo Divino) asin kan duwang Kaayonan para sa mga babae. Kan 1889 saiyang tinogdas sa Steyl, Nederlands an mga Kaayonan nin mga Sugong Madre kan Espiritu Santo asin kan 1896 sa parehong lugar, saiya man minukna an Kaayonan nin mga Madreng Nagpapamibi kan Espiritu Santo. Huli sa pinahiling niyang kabanalan asin pag'iigot sa mga trabaho para sa Simbahan Romano Katoliko siya pinagkanonisar kan 5 Oktobre 2003 ni Santo Papa Juan Paulo II.

Si Janssen namundag Nobyembre 5, 1837 sa Goch, Alemanya harani sa pagdolonan kan Nederlands, saro sa pitong magturugang. An enot na eskwelahan na pig'entrahan niya iyo an Catholic Augustinianum High School sa Gaesdonck sa Alemanya na harani sa kinamundagan niya. Nag'adal siya sa kolehiyo, dangan nagkua kan kursong teolohiya asin pig'ordenan sa pagkapadi kan 15 Agosto 1861.

Nagin siyang maestro sa haiskul sa Bocholt, Alemanya na saiyang tinotokdo physiks asin katekesis. An tunay na pagkamoot niya iyo an pagmimisyon. Kan 1867 nagin siyang direktor kan Apostolaat des Gebeds para sa Alemanya asin Austria, dangan nagmukna siyang sarong instituto sa syensia sa Modling, haraning Vienna. Kan 1874 tinogdas niya sarong magasin, an "Kleiner Herz-Jesu Bote" (Aking Subol ni Pusong Sagrado) na an tuyo makaganyat sa mga paratubod sa pagpangadye asin pag'anduyog sa misyon.


Toltolan[liwaton | liwaton an gikanan]