Arthur Murray Preston

Arthur Murray Preston
Namundag sa	(1913-11-01)Nobyembre 1, 1913 Maryland, EU
Nagadan sa	Enero 7, 1968(1968-01-07) (edad 54) Chevy Chase, Maryland, EU
Sinulo sa	Arlington National Cemetery
Alyansa	Estados Unidos nin Amerika
Serbisyo/Sangay	United States Navy Reserve
Taon kan Serbisyo	1940 - 1953
Ranggo	Commander
Yunit	Torpedo Boat Squadron 33
Mga labanan/Mga giyera	World War II
Mga Onra	Medal of Honor
Iba pang trabaho	Banker

Si Arthur Murray Preston (Nobyembre 1, 1913 – Enero 7, 1968) sarong United States Navy na opisyal asin kagresibi kan pinakahalangkaw na dekorasyon kan militar nin Estados Unidos—an Medalya nin Onra—huli sa saiyang naginibohan sa Ikaduwang Gerang Pankinaban.

Biograpiya

Siya naggradwar sa Phillips Academy kan 1931, Yale University, asin sa University of Virginia School of Law kan 1938. Si Preston sarong abogado yaon sa pagpraktis kan siya nagbali sa Pwersa Naval sa Washington, D.C., kan Septyembre 1940.

Siya natokahan na magpirmi sa Naval Station Pearl Harbor, Hawaii, kan Desyembre 7, 1941, asin nagpartisipar sa operasyon nin pagpakarhay kan base militar pakatapos binombang toda kan mga Hapones. Kan 1943, siya paratukdo sa PT boat sa Newport, Rhode Island, asin nagin pa niyang amigo si LTJG John F. Kennedy, USNR. Kan Septyembre 16, 1944, siya nagseserbing lieutenant sa Torpedo Boat Squadron 33. Kan aldaw na idto, si Preston nagmamando sa duwang PT boat sa pagligtas nin may eksito kan napalagpak na piloto sa Navy sa Wasile Bay, Halmahera Island sa Indonesya, apesar kan makuri, daing utahot na pagpa'arak-asak kan artileriya kan mga Hapones na pwersa. Gibo kaini, siya nataas sa ranggong lieutenant commander asin ginawadan kan Medalya nin Onra. Si Preston nakaantos sa pinakataas na ranggong kumander bago nagretiro sa Pwersa Naval.

Siya nagadan sa edad na 54 asin ilinubong sa Arlington National Cemetery, Arlington County, Virginia.