Asiawise Study Center

Asiawise Study Center, Inc.
Ngaran	Asiawise, ASCI
Motto	Where Excellence Is A Habit
Petsa nin pagkakatugdas	Pebrero 21, 2007
Organisasyon	Pang-akademiko asin propesyonal na mga serbisyo
Kinamumugtakan	Syudad nin Naga, Rehiyon Bikol;
CEO asin Pamayo	Elvira Go-Bulao, RN
Websityo	asiawiseu.com

An Asiawise Study Center, Inc. (Bikol Sentral: Sentro nin Pag-aadal kan Asiawise), midbid man sa apud na ASCI o Asiawise, iyo sarong nanginginot na tagatao nin pang-akademiko asin propesyonal na mga serbisyo sa Rehiyon Bikol. Itinogdas asin nairehistro ini sa Securities and Exchange Commission kan Pebrero 21, 2007.

An sentro nin pag-aadal pormal na nagpoon kan regular na operasyon kaini kan Marso 10, 2007 sa enot kaining opisina na mahihiling sa 36-H Kalye Barlin, Bgy. Sta. Cruz, Syudad nin Naga.^[1]

Uusipon[baguhon | baguhon an source]

Nagpoon an Asiawise magtao nin academic tutorials sa gabos na lebel (preschool sagkod college/graduate). Kan Abril asin Mayo 2007, piggibo an pinakaenot kaining College Admission Test Review na iguang dai mababa sa 20 estudyantes. Kan 2007 asin nagsurunod na mga taon, nagkaigua na man nin mga review para sa Civil Service Exams (CSE) asin High School Entrance Tests. Kan Marso 2013, naglipat an Asiawise sa Grageda Bldg., Lot 89-A Sta. Cruz St. corner Barlin St., Syudad nin Naga. Nagpoon na man magkondusir nin National Medical Admission Test (NMAT) Review kan parehong taon. Ikinakaorgulyo kan Asiawise an naging 17 topnotchers asin rinibong mga pasado sa manlaenlaen na exams sa enot na 15 taon kaini.

Apwera sa academic tutorial asin review programs, an sentro nin pag-aadal nag-oopresir man nin tutorials asin workshops sa gitara, violin, paggurit, pagbasa, pampublikong pagtaram, English Proficiency Program, campus journalism, Math Mastery Program, MS Office Applications, Adobe Photoshop; Thesis/Research Consultancy; asin paglakbay sa Albay and Camarines Sur sa Rehiyon Bikol.

Poon 2007, pirming partner kan University of the Philippines (UP) Harong an Asiawise sa taunan na Academic Festival, na iguang mga kompetisyon sa debate, public speaking, photojournalism, essay writing, poster making, radio broadcasting, asin quiz bee. An UP Harong asin ASIAWISE tandem man sa pagsagibo nin relief operations pag may kalamidad asin mga seminar para sa mga estudyante sa high school. Nakipartner man an sentro nin pag-aadal sa Naga City Youth Officials sa mga aktibidad ninda para sa karahayan kan mga hobenes asin kaakian.

Dakol an mga nahaman kan Asiawise sa enot na dekada kaini. Kan Febrero 2017, nag-sponsor an sentro nin pag-aadal kan ika-17 Regional Congress kan Association of Bicol Business Students (ABBS). Pig-organisar man kan Asiawise asin UP Harong an ika-9 na UP Primer para sa mga estudyante sa senior high school kan Hulyo 2017. Bilang kasimbagan sa pangapudan kan mga boot mag-adal nin abogasya, pigpunan kan Asiawise an pagkondusir kan Philippine Law School Admission Test (PhiLSAT) Review kan Marso asin Abril 2017. Marahayon ining pagpoon huli ta 100% kan mga estudyante kaini an nakapasar sa test asin ngonian tarapos na sa pagklase sa mga nangengenot na law schools sa nasyon. Nagpoon na man magbenta an sentro nin pag-aadal nin mga PhiLSAT asin CSE Reviewer kan 2017. Kan nagsurunod na mga taon, nagbenta na man an Asiawise nin reviewers para sa college admission tests, high school entrance tests, asin NMAT. An mga reviewer pigsurat asin pig-edit kan exam topnotchers, university professors, asin licensed professionals na iguang personal na eksperyensiya sa pagkua kan manlaenlaen na exam. Nakakaabot an reviewers sa hararayong parte kan Pilipinas, poon Norteng Luzon sagkod Sur na Mindanao, sa paagi nin pagbenta online (Facebook asin Shopee).

Kan Febrero 21, 2018, piglunsar an opisyal na websityo kan kompanya, www.asiawiseu.com, para orog pang makaserbe sa mga customer asin iba pang stakeholders, hain man sinda sa Pilipinas asin sa kinaban.

Kan 2019, nagpira sa memorando nin pagkakauyon (memorandum of agreement) an Asiawise asin Camarines Sur National High School (CSNHS), saro sa mga pinakadakulang mga eskwelahan pangsekondarya sa Sur na Luzon, para matabangan an mga estudyante kan eskwelahan sa saindang mga pangangaipong pang-akademiko. Apwera sa pagbale sa Brigada Eskwela, an sentro nin pag-aadal nagsagibo man nin tutorial para sa mga nasasakitan na mga estudyante siring man review para sa mga college admission test. Nagtao man an Asiawise nin mga para gamit sa pag-aadal sa mga estudyante kan CSNHS.

Kan 2020, huli sa “bagong normal” na dara kan pandemyang coronavirus disease 2019 (COVID-19), nagpoon an Asiawise magtao nin mga serbisyo sa paagi kan online platforms. An enot na online classes sa paagi kan Zoom, Facebook Social Learning, asin Google Classroom nagpoon kan Mayo, mantang an kadakol na parte kan Pilipinas asin iba pang parte kan kinaban naka-lockdown pa. Padagos man an face-to-face classes sa sentro nin pag-aadal mantang pigsusunod an istriktong physical distancing asin iba pang pag-iingat sa virus. Ini testamento sa espwerso kan Asiawise Study Center na makatao nin mga dekalidad na serbisyo asin mapangatamanan an marhay na salud kan gabos na stakeholders.

An Asiawise naglipat na sa bago asin presente kaining harong sa Lot 89-G Barlin St., Sta. Cruz, Syudad nin Naga, kan Oktobre 2022. Apwera sa naging mas madaling maabot an mga programa asin serbisyo, orog na mahalaga digdi na makatabang an mas modernong pisikal asin digital na imprastraktura sa bago kaining harong na maasigurar an lambang customer kan Asiawise nin mas marhay na kalidad kan mga tutorial, training, asin review.

Paagi nin pagtukdo[baguhon | baguhon an source]

Sa Asiawise, an pagtukdo asin paggiya insigida, nakasentro sa pangangaipo kan estudyante, asin komprehensibo. Magayagaya asin maogma an atmospera sa sentro nin pag-aadal para an mga estudyante mas marikas makanood, mas matandaan an saindang mga leksyon, asin makakua nin mas hararom na kadonongan.

Para masiguro an de kalidad na mga serbisyo, nag-aagi an Asiawise mentors sa matinding pagsasara o pagpili, mga training, asin mga seminar sa pagpapaorog kan saindang mga kakayahan.