Bernardin Palaj
.jpg)
Si Bernardin Palaj (20 Oktobre 1894 — 8 Desyembre 1947) sarong Albanes na Franciscanong prayle, folklorista asin pararawit.[1]
Buhay
[baguhon | baguhon an source]Namundag sa Zef Palaj in Shkodër, ki Gjon asin Marta Dedaj,[2] orihinalmente sa kabukidan nin Shllak.[3] Si Bernardin Palaj nag'entra sa mga Franciscanong mga eskwelahan sa Shkodër, asin naglaog sa orden na ini kan Septyembre 1911, asin natapos saiyang edukasyon sa Salzburg, Austria. Pinag'ordenan bilang padi kan 1918, si Palaj sarong organista sa simbahan nin Franciscano sa Shkodra poon 1916 abot 1946, nagtukdo nin Albanes asin Latin sa Collegium Illyricum (Illyrian College), asin nagsirbe komo kura paroko sa Pult asin Rubik. Poon Abril 1923 abot Desyembr 1924, kairiba sinda Shuk Gurakuqi, Ndre Mjeda, Gjergj Fishta asin Anton Harapi, saiyang pigkapotan asin pigpupublikar an semanal na Shkodra'ng peryodikong Ora e maleva (The mountain times), na kaapil kan oposisyon sa parlamento. Siya inaresto kan Zogu kan 1924 alagad pinaluwas mansana huli sa pakiulay ni Arsobispo Lazër Mjeda. Sa peryodong 1919–1934, siya nagkolekta nin folklore haraleng kabubukidan, mga materyal na pinublikar sa nangengennot na peryodikal Hylli i Dritës (The Daystar). Katuwang si Donat Kurti, saiyang pinublikar an Kângë kreshnikës dhe legenda (Songs of the frontier Warriors and Legends) sa mauunibahan na Visaret e kombit (Treasures of the Nation) na koleksyon, Tirana 1937. Poon 1934 abot 1941, siya sige naman magmukna nin sadiring mga literaryong trabaho, kadaklan mga klasikong liriko asin berso, mga halipot na osipon. Poon 1939 abot 1944, si Palaj nagsirbe bilang kapitan sa polis sa irarom nin pamomoon kan Italyano asin Aleman na okupasyon, dawa kan mga 1942 asin abante siya nakakamate na nin paghelang. Panahon nin gera, siya nag'ubos panahon sa pag'adal sa mga customary law asin organisasyon nin mga tribu sa bandang norte nin Albania. An saiyang trabaho bilang pulis, sa panahon nin okupasyon, orog na nakabiyang saiya sa mga Partisano. Sa pagsakop kan mga Komunista kan mga 1944, si Palaj nagdulag asin nnagtago sa kabukiran, alagad siya naaresto sa Rubikkan 1946. Si Palaj nagadan sa preso huli sa tetanus kan Pebrero o Desyembre 1946 bago siya masentensyahan, asin siya iinubong sa natad kan sanatorium sa Shkodra.[4]
Si Palaj asin si Donat Kurti iyo an enot na nagrekord kan Lenggwaheng Albanes na kantang 'Gjergj Elez Alia' na napublikar sa Tirana kan 1937.[3]
Toltolan
[baguhon | baguhon an source]- ↑ Elsie, Robert (2010) [2004], Historical Dictionary Of Albania (PDF) (2 ed.), Maryland: Rowman & Littlefield Publishing Group, p. 416, ISBN 9781282521926, OCLC 816372706, archived from the original (PDF) on 2014-10-06 Unknown parameter
|url-status=ignored (help) - ↑ Kurti, P. Donat (2003) [1965]. Provinça Françeskane Shqiptare (in Albanian). Shkodër: Botime Françeskane. p. 118. ISBN 99927-789-1-1.
Bernardinus (P) Josephus Palaj, f. Joannis et Martae Dedaj, n. Shkodrae, d. Shkodrensis 20 Oct. 1894; v. 15 Sept. 1911; pt. 1 Nov. 1912; ps. 14 Jul 1917; Sac. 2 Aug. 1918; m. 2 Dec 1946 Shkodrae
- ↑ 3.0 3.1 Elsie 2004, pp. xi
Gjergj Elez Alia, recorded in Nikaj (District of Tropoja). Published in Visaret e Kombit, Vol II, ed. Bernandin Palaj and Donat Kurti (Tirana 1937)
- ↑ Elsie, Robert (2015). The Tribes of Albania; History, Society, and Culture. Library of Balkan Studies. 1. I.B.Tauris. p. 136. ISBN 9781784534011.
Ginunuan
[baguhon | baguhon an source]- Elsie, Robert (2004). Songs of the frontier warriors. Bolchazy-Carducci Publishers. ISBN 978-0-86516-412-3.