Bicol River Hot Paddlers
An Bicol River Hot Paddlers sarong koponan nin mga parasagwan nin barutong dragon kan Canaman, Camarines Sur. Mga pasasirâ sa salog Bikol an mga myembro kaini na iyong dating mga parakawat para sa Camarines Sur Dragon Boat Team kan probinsya antes na makabilog nin sarong grupo nin mga parasagwan an banwaan.[1][2] Inot ining nagbali sa kompetisyon sa Camarines Sur Dragon Boat Festival kan 2009.
Karera
[baguhon | baguhon an source]Bilang bàgong muknang grupo, an Bicol River Hot Paddlers nanggana nin Ika-3ng Premyo sa Panlalaki 400m (1.38.17) asin Ika-4 na Premyo sa Panlalaki 250m Bukás sa Gabos na kategorya sa ginibong Camarines Sur Dragon Boat Festival kan Mayo 8-10, 2009 na ginibo sa Lago del Rey, Pili, Camarines Sur[3][4]
Sa Ika-2ng Placer Dragon Boat Festival na ginibo kan Pebrero 18-19, 2011 sa Placer, Masbate ipinulî kan koponan an medalyang pirak sa Panlalaki 200m (51.16 segundos) sagkod medalyang pirak sa Panlalaki 250m (1:29.40) Bukas sa gabos na kategorya.[1]
Nakua kan koponan an Ika-2ng Premyo sa kategoryang Halò (Panlalaki/babai) 250m sa oras na 1:04.84 sunod sa CamSur Dragon Boat Team (1:03.70) sa ginibong Ika-2ng CamSur International Dragon Boat Fest kan Oktobre 14-16, 2011. An 3-aldaw na karawat ginibo sa Lago del Rey, Pili, Camarines Sur na pinadalagan sa irarom kan regulasyon kan Philippine Dragon Boat (PDBF) asin International Dragon Boat Federation (IDBF).[5][6]
Sa ginibong Inot na Mercedes National Dragon Boat Competition kan Hunyo 13-14, 2014 sa Cayucyucan, Mercedes, Camarines Norte, ipinulì kan koponan an Ika-2ng Premyo sa Panlalaki sa Sadit na Baruto 200m (57:58 segundos), an Ika-4 na Premyo sa Halò (Panlalaki/babai) sa Sadit na Baruto 200m (1: 05: 25) asin an Ika-4 na Premyo sa Pambabai sa Sadit na Baruto 200m (2:18:49, total na oras kan duwang laban).[7]
Toltolan
[baguhon | baguhon an source]- ↑ 1.0 1.1 Hot Paddlers eclipse host team in dragon boat fest[permanent dead link] Websityo kan Canaman.gov.ph
- ↑ Canaman holds first Dragon Boat race Bicol Mail
- ↑ "Resulta kan CamSur DragonBoatFest 2009". Archived from the original on 2010-06-21. Retrieved 2014-06-15.
- ↑ RESOLUTION NO. 2009-014-RESOLUTION CONGRATULATING THE BICOL RIVER HOT PADDLERS CLUB OF CANAMAN, CAMARINES SUR FOR WINNING THE 3RD PLACE UNDER THE 400 METERS OPEN MEN CATEGORY AND 4TH PLACE UNDER THE 250 METERS OPEN MEN CATEGORY DURING THE RECENT CAMARINES SUR DRAGON BOAT FESTIVAL HELD AT LAGO DEL REY, PILI, CAMARINES SUR ON MAY 8-10, 2009.[permanent dead link] Websityo kan Canaman.gov.ph
- ↑ Hot Paddlers win in CSur Int'l Dragon Fest[permanent dead link] Canaman.gov.ph
- ↑ "Resulta kan CamSur International DragonBoat Fest 2011". Archived from the original on 2014-02-10. Retrieved 2014-06-15.
- ↑ 1ST NATIONAL DRAGON BOAT COMPETITION, SA CAM NORTE, NAGING MATAGUMPAY! TURISMO SA CAM NORTE, MAS LALONG LALAKAS!
