Bicol Science Centrum
An Bicol Science and Technology Centrum (BSTC) sarong dalanan nin mga eksibit manonongod sa syensia asin teknolohiya. Ini binuksan kan Hunyo 15, 1995, sa Siyudad nin Naga.[1]
Okupado an 693 metro kwadradong espasyo, ini namumugtak sa Kalye Miranda, harani sa City Hall, karaya asin kataid haros kan opisina asin istasyon nin Bureau of Fire Department.
An Centrum nababanga sa limang galeriya:
- Galeriya 1. Marvels of Physics, Electricity, Magnetism and Robotics
Iyo ini nagpapasabot kan pisika, kan ngangalsan sa elektrisidad, magnetismo asin dapit sa hiro sa mga robot.
- Galeriya 2. Mysteries of the Universe Explained, Solar System and Space Exploration.
Pigpahayag igdi an mga misteryo sa Uniberso . Sistema solar asin pagbyahe sa kahiwasan nin espasyo
- Galeriya 3. What Lies Beneath: Uncovering Earth's secret.
Mga bagay kun ano an yaon sa kairaroman kan satong Kinaban, igdi pigladawan.
- Galeriya 4. Underwater Wonderland: Beneficial yet threatened Aquatic Ecosystems.
Ibiniklad igdi an misteryo kan kadagatan, kan saiyang mga aquatikong rekursos napapakinabangan kan mga kasiraan asin kan tawo.
- Galeriya 5. Land Ecosystem Unfold: Discovering Mother Nature.
Pinapahiling asin pinapaliwanag igdi an Kapalibutan, an kadagaan, an mga tinanom igdi, an mga kahayupan na dapat atamanon para sa balansyadong ekosistema.
Poon pagbukas an Centrum, an Centrum nadalaw na nin 1.1 milyon na bisita asin naghakot na nin Php 6.8 milyon na ingreso. An pamamahala kan Centrum ipigsarig na sa gobyerno kan Siyudad nin Naga. [2]
