Kalye Miranda
An Kalye Miranda (Ingles, J. Q. Miranda Ave.) iyo an dati inaapod na City Hall Avenue namomogtak sa siyudad nin Naga, Camarines Sur, Filipinas. Ini nahira sa pangaran sa ri'gon kan Ordinansa Nu. 1013 kan taon 1985. Sa pag'onra asin pagromdom saiya, ini pigngaran ki Koronel Juan Q. Miranda an dating Kongresista asin Lider nin Gerilya igdi sa Camarines Sur.[1]
Maonabi palan, an natad kan City Hall na nag'aatubang sa Kalye Miranda nginaranan na Plaza Juan Q. Miranda sa siring na dakulang pag'onra ki Miranda bilang "Ama kan Naga City Charter" ta siya an nag'ama sa Kongreso na magin sarong siyudad an Naga.
Napoon an tinampong ini sa pagkasiko sa may tongod kan Naga Civic Center pasiring City Hall hanggan sa pagluwas asin pagtakod kaini sa Kalye Panganiban sa ibong na poro. Sa kalabaan niya yaon an edipisyo kan Metro Naga Water District, an Naga Post Office, an City Hall kan Naga, an lugar kan Starmark, an Bicol Science Centrum, an Naga Fire Station, asin an opisina kan Bureau of Internal Revenue, dangan sa poro na nahanggilid an Bicol Medical Center.
Hilinga man
[baguhon | baguhon an source]- Kalye P. Diaz
- Kalye Peñafrancia
- Kalye Padian
- Kalye Arana
- Kalye Liboton
- Kalye Barlin
- Kalye Prieto
- Kalye Biak-na-Bato
- Kalye Mabulo
- Kalye Fraternidad
- Kalye Igualdad
- Kalye Panganiban
- Elias Angeles
Toltolan
[baguhon | baguhon an source]- ↑ Ordinance Nu. 1013 [1] Archived 2019-07-28 at the Wayback Machine.
