Bicolandia (magasin)

Gikan sa Bikol Sentral na Wikipedia, an talingkas na ensiklopedya
(Nakatukdo hali sa Bicolandia (babasahon))
Bicolandia Magasin

An Bicolandia sarong magasin sa Bikol asin Ingles na enot na nagluwas kan Desyembre 1954. Ini pagsasadiri asin pinapalagda ni Tomas H. Kilates. An magasin nagluluwas ultimong Sabado kan bulan, may opisina sa R-420, Republic Super Market Building, Avenida Rizal, Manila.

An magasin[baguhon | baguhon an source]

May sukol ining 12 pul. x 9 pul., mahibog, makintab asin mahalnas an papel na ginagamit; naabot sobra sa 50 pahina an lambang paluwas. An pabakal sa kalye 30 sentimos an sarong kopya. Ginagaom na nag'abot 1962 an publikasyon na ini.

Mga bareta, mga artikulo pulitikal, mga historiko, kultural saka literaryong tokda' an parati napapalaman sa magasin. Siring man, tinata'wan doon an mga pan-turismong artikulo sa pagganyat sa mga parabasa na mabisto an gayon kan ronang Bikol.

Mga nagpadalagan kan babasahon[baguhon | baguhon an source]

An mga kagtawo kan magasin na iyo an nagtataong pwersa sa pagpalagda iyo sindang minasunod: Inocencia K. Mancita (Editor), Jose A. Luzenttales (Namamahalang Editor), Divinia F. Guina (Society & MOvie Editor), Josefina U. Castillo (Adverstising Director), Magdalena A. Ables (Ciculation Manager), Leon Coquia (Art Director).

An mga taga-ambag na mga editor representado iba-ibang probinsya kan ronâ iyo sinda: Luis Dato (ciudad nin Naga), Eugenio H. Kilates (ciudad nin Naga), Flora de los Santos (Manila), Mariano Goyena del Prado (Albay), Antonio Salazar (Albay), Apolonio Buban (Albay), Anastacio Canciller (Manila), Manuel Salazar (Camarines Sur), Valerio Zuniga (Sorsogon).

An mga hepe kan mga Buro sa mga iba-ibang lugar: Jose T. Arive (namamayo, ciudad nin Naga), Rosalio Imperial, Sr., (ciudad nin Naga), Jose P. Sumil (Camarines Norte), Antonio De La Paz (Masbate), asin si Nicandro Aguila (Catanduanes).

Ginunoan[baguhon | baguhon an source]

  • Bicolandia magasin. Enero, Pebrero, Marso, Abril-Mayo, Hunyo-Hulyo, Agosto, Septyembre, Oktubre 1955 na mga luwas. (Hale sa: R. Olano Bikol Collection).
  • Mariano Goyena del Prado Collection. Bikol Materials in the University of the Philippines Library. A Prelimniary List. 24 August 1976. Maria Lilia F. Realubit. (nakamakinilya sana).