Bikol Annals

Gikan sa Bikol Sentral na Wikipedia, an talingkas na ensiklopedya
The See of Nueva Caceres, Vol. I

An Bikol Annals saróng bulto nin mga artikulo ni Domingo Abella kan 1954. Igwá iní nin 384 pahina.[1]

An maogid na pag-aádal ni Abella dapít sa historya kan Simbahan Katolika sa dioceses kan Nueva Caceres asín an pagkasurunod-sunód kan mga obispong nagtúkaw sa sinábing dioceses an napapalamán sa obra niyáng iní.

Saíyang itinampók an pagtúkaw komo obispo kan pinakaenot na iyó si Obispo Luis Maldonado O.F.M. asín an gabós na nagsurunód sa obispong iní, hanggán sa huri asín pinakaenot na arsobispo kan Nueva Caceres na si Pedro Santos.

An libro nagdotâ man kan mga obispong nagtúkaw sa dioceses kan Legazpi asín Sorsogon alágad haros pahamráw saná.

Huli sa malikáy asín maígot na pagsusúkit niyá sa mga arkibo sa Espanya, Mehiko asin Roma napatama niya an rekord dapit sa mga periodo nin pagtukaw kan mga obispo igdi sa dioceses kan Nueva Caceres.

An sarong interesanteng bagay sa libro niya iyo ta dai niya pigloktawan an reparo niyang diringkilan bako sana sa laog kan Simbahan Katoliko kundi man sa pag'oltan kan mga kapadian asin mga otoridad sibil kan panahon na kolonya pa an Filipinas kan Espanya.

Sinasabi ni Luis General, Jr. sa saiyang kolum sa Balalong (Abril 1, 1977 na paluwas) na an pagpaimprenta kan sinabing libro tinustosan kan Simbahan kan panahon ni Arsobispo Pedro Santos, mala ta igdi itinao ni Abella an dai mababa sa 300 na kopya kan sinasabi niyang sanribong kopyang ipinaimprenta..

Mga panluwas na takod[baguhon | baguhon an source]

  • Kolum ni Atty. Luis General, Jr. Yesterday in Today - [1]

Toltolan[baguhon | baguhon an source]

Hilnga man[baguhon | baguhon an source]