Bingkay

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
punaw

An bingkay iyo an tibulaka kan mollusk, orog na kun ini mayo nang laog ta nagadan na an kagharong igdi. Iyo ini an tibulaka (exoskeleton) kan buhay na mollusk asin ini magkatakopan, nagbubukabuka. Napipisan an mollusk komo marinong hayop na inaapod sa Ingles na bivalves. Igdi klasipikado an mga inaapod sa bikol na punaw, takal, talaba(o, sisi') , tahong asin tiniktik, mga marinong hayop nageestar sa maaskad na tubig pero nakukua man sa mga malapok na tubig na ta'bang.

An mga bingkay komun nahihiling sa mga baybayon, parati urutas na, asin an mga tibulaka kan mga species sa ta'bang nagkukuriyat sa mga patag na gilid kan mga salog na inabot-abot kan tubig pag tignarakul.

An bingkay iyo an saro sa materyal sa pagtogdok nin gapong estruktura kaidto, arog kan mga simbahan kan panahon nin Espanyol igdi sa Filipinas. Sa pagigibo nin pamulot sa mga sinusuruknong na gapo o radrilyo, an bingkay binabaga na magin runot na pulbos (apod na apog), asin ini rinaramas sa tinuktok na bandala nin abaka, kaputian kan sugok, saka galagala na mapuloton na maray. Alagad ngonyan ta naimbento na an semento, bako naman ramas na siring, garamiton sa konstruksyon. An siring na pulot inuusar man sa pagkalapati sa mga baroto o mga sasakyan-dagat ngani ini dai laogon tubig.

Mga panluwas na takod[liwaton | liwaton an gikanan]

  1. Morpolohiya kan bingkay- [1]
  2. Estruktura kan bingkay- [2]
  3. Bivalvia- [3]

Toltolan[liwaton | liwaton an gikanan]

  • Bikol-English Dictionary. Mintz & Britanico.New Day Publishers. Quezon City, Philippines. 1985.
  • Diksyunaryo-Tesauro, Pilipino-Ingles. Jose Villa Panganiban. Manlapaz Publishing Co.,l Quezon City, Philippines. 1973.