Binotong

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
An binòtong
pulotan na linuto, bino'tong


An binòtong saróng lutò kan pulotán na bagás sa gutâ.

Pag-andam[liwaton | liwaton an gikanan]

An pulotán binibinsâ saká pinapatitì. Tapos an gutâ sa niyóg bàgo iramas sa bagás na pulotán inaasinán na magnámit dikít saká linulutò sagkód na magbuladbukád. Irarámas na an pulotán igdí sa gutâ. An ipapatós kainí iyó idtóng lombód na dahon kan sàba (o dahon kan abaka) na pinagloblobán ngarig magkúnot iní saká daí magpàkit. Higót na pupuyóson na iní sa dahon asín burugkosán man na marháy na daí magtarós an tubig.[1]

Làbonán na iní sa tubig na lantóp sa mga kinaág na binòtong na lulutóon. Sa pagtangáan kan paglulutò, bukasón an sarô asín hilingón kun naggigiyaw-giyáw na an gutâ, tandâ na lutò na an mga binòtong.

Duwáng kutsaron na gutâ an irarámas sa duwá man na takad nin pulotán. An takaran kan pulotán iyó idtóng takóp kan boteng nescafe na dakula. Syempre, imamantener an proporsyon na iní kun dakól nang marháy an lulutóon. An pamatós ikakaág sa sadít na mangkô nganì madalî an pagsoksók kan tinimpla bàgo puyóson.


Toltolan[liwaton | liwaton an gikanan]

  1. [1]www.pinoykitchenette.com. Kinua 14-03-18