Bishop Gainza Trade Fair
An Bishop Francisco Gainza Trade Fair sarong pabarakalan nin mga produkto na taon-taon ikinakaag kan Caceres Social Action Foundation, Inc., sa tuyong pagpauswag asin pagsurog sa mga hanapbuhay kan mga taga-Caceres. Ini pino'nan kan Septyembre 2010 kan Simbahan Katoliko sa pag'arog asin pagromdom ki Obispo Francisco Gainza, sarong katolikong obispo kan dioceses kan Caceres na iyo an pinakaenot na nagmukna kan enot nanggad na agro-industrial fair igdi sa Kabikolan kan taon 1875.
Sa barakalan na ini, na sa enot kan taon 2010 ginibo sa atubangan asin natad kan SM-Naga, an mga produkto iyo an mga handicraft arog kan mga produktong abaka, mga kakanon na pigbote, mga produkto sa agrikultura, mga muebles, asin kun ano-ano pang mga paninda hinaman kan mga Bikolano. Nag'aako man igdi an pagpatindog nin mga booth sa mga negosyong nagtatangrong franquesa sa mga bantog na produkto, asin booth sa turismo.
Sinabayan man igdi an mga pasale asin mga dalanon arog kan karantahan, pagkawat instrumento sa musika, asin siring man an pagkondukta nin mga kurso sa pagnegosyo, mga training na magtataong skill sa kun anong hanapbuhay arog kan mga kursong vocational.
An Gainza Trade Fair ngonyan na taon 2013 nag'ani nin 85 exhibitor asin pinakaenot na pangyari may mga exhibitor/paratinda kan mga produktong dagat huli sa pakikitabangan sa Bureau of Fisheries and Aquatic Resources (BFAR) asin enot na natogdas katakin igdi kan enot na Bicol Aqua Fair. Si Fr. Marc Real iyo an BFGTF Project Director.
Mga panluwas na takod
[baguhon | baguhon an source]
