Kalye Elias Angeles
An Kalye Elias Angeles sarong tinampo namomogtak sa siyudad nin Naga, Camarines Sur, Filipinas. Ini pigngaran ki Elias Angeles sa pagtaong onra saiya bilang siya an lider kan Gwardya Sibil, katuwang si Felix Plazo, na nagkamit para sa ronang Kabikolan nin katalingkasan sa gobyernong kolonyal kan mga Espanyol. Sarong halabaon na tinampo, ini napoon sa pagkasarapong kan Kalye Bagumbayan asin Kalye Jacob sa tongod kan Unibersidad de Sta. Isabel asin natapos sa pampang kan Salog Naga pakabaktas kaini sa Kalye Caceres.
Ini sarong mayor na tinampo sa siyudad, masabing sarong kabaroyan[1] inaapod kan enot na mga panahon asin dusok sa mga pwestong komersyal. Sa sarong poro kan tinampong ini yaon natipon an mga institusyon kan Simbahan Katoliko: an Naga Metropolitanong Katedral nin Naga, Holy Rosary Minor Seminary asin an Palasyo Arsobispado nin Caceres.
Igdi man nakaatubang an lumang harong ni Ernesto Abella, an Ramaida Centrum, an Bodega Home, an dakulang mall, an E-mall, an Naga Land Hotel, an Plasa Quince Martires, an McDonalds Restaurant, an Biggs Restaurant, an haloyon nang Quality Bakery, an Starview Hotel, an Jollibee, an Plasa Quezon, an New Crown Hotel, an Aristocrat Hotel, an Regent Hotel, an Panelo Building, an Ignacio Building, asin sa poro sa harani na sa salog, nahanggilid an edipisyo kan Bank of the Philippine Islands.
Hilinga man
[baguhon | baguhon an source]- Kalye Arana
- Kalye Barlin
- Kalye Biak-na-Bato
- Kalye Fraternidad
- Kalye Igualdad
- Kalye Liboton
- Kalye Padian
- Kalye P. Diaz
- Kalye Panganiban
- Kalye Peñafrancia
- Kalye Prieto
- Kalye Mabulo
- Kalye Miranda
