Jump to content

Leni Robredo

Gikan sa Bikol Sentral na Wikipedia, an talingkas na ensiklopedya
Leni Robredo
Ika-14ng Bise Presidente kan Filipinas
Inkumbent
Pagtukaw sa pwesto
Hunyo 30, 2016
President Rodrigo Duterte
Suminunod ki Jejomar Binay
Co-Chairperson of the Inter-Agency Committee on Anti-Illegal Drugs
Termino
Nobyembre 6, 2019 – Nobyembre 24, 2019
Serving with Aaron Aquino
President Rodrigo Duterte
Chair of the Housing and Urban Development Coordinating Council
Termino
Hulyo 12, 2016 – Desyembre 5, 2016
President Rodrigo Duterte
Suminunod ki Jejomar Binay
Sinundan ni Leoncio Evasco Jr.
Myembro kan Kamara kan mga Representante
from Camarines Sur's Ika-3 Distrito
Termino
Hunyo 30, 2013 – Hunyo 30, 2016
Suminunod ki Luis Villafuerte
Sinundan ni Gabriel Bordado
Personal na mga detalye
Kamundagan Maria Leonor Sto. Tomas Gerona
(1965-04-23) Abril 23, 1965 (edad 59)
Naga, Camarines Sur, Filipinas
Partido politikal Liberal
Mga aki 3
Dinakulaan Syudad nin Naga
Edukasyon University of the Philippines Diliman (BS)
San Beda University (LL.M.)
University of Nueva Caceres (LLB)
Websityo Official website
Government website
Si Leni Robredo asin mga aki niyang sinda Jessica Marie "Aika", Janine Patricia asin Jillian Therese.

Si Maria Leonor "Leni" Gerona-Robredo (namondag bilang Maria Leonor Santo Tomas Gerona; Abril 23, 1965) sarong Filipinong abogada asin politiko na iyo an ika-14 na Bise Presidente kan Republika kan Filipinas poon 2016 hasta 2022.

Siya nagin representante kan Ika-3ng Distrito kan Camarines Sur sa Kamara de Representantes kan Filipinas kan 2013 sagkod 2016. Siya sarong abogado, politiko asin an balo kan dating sekretaryo kan Departamento kan Panlaog asin Lokal na Pamamahala na si Jesse Robredo. Katakod siya sa Saligan, sarong grupo nin mga abogado sa nasyon na nagtatabang sa mga parauma.[1][2] Siya an ikaduwang babae na nagtukaw bilang bise-presidente sunod ki Gloria Macapagal Arroyo asin an pinakaenot na Bise-presidente haleng Rehiyon Bikol.

Agi-agi

[baguhon | baguhon an source]

Si Robredo iyo an matua sa tulong akì kan retiradong huwes na si Antonio Gerona asin Salvacion Sto. Tomas na retiradong paratukdô. Nag-adal siya nin elementarya sagkod sekundarya sa Universidad de Sta. Isabel sa Syudad nin Naga mantang nagtapos siya nin batsilyer sa ekonomiks sa Unibersidad kan Pilipinas kan 1986 dangan nagkua nin abogasiya sa Unibersidad kan Nueva Caceres kan 1992. Kan 1997, nagkua asin nakapasar siya sa eksamen sa Bar. Nagkua man siya nin kurso sa Law and Ethics: Making Moral Decisions sa Harvard na Unibersidad sa Estados Unidos[3]

Saiyang tinugdas an Lakas ng Kababaihan ng Naga asin nagin pamayo kan Naga City Council for Women durante kan siya first lady kan Syudad nin Naga. Myembro man siya kan Sentro ng Alternatibong Lingap Panligal, Federacion Internacionales de Abogadas asin Bantay Familia.[4]

Siring kan lolohon na si Apolonio Sto. Tomas, si Robredo nakapagsurat man sa tataramon na Bikol. Kagsurat si Robredo nin mga giya sa pag-adal asin mga pagpalis kaini sa Bikol siring kan Family Code Primer, Katarungang Pambarangay, Labor Standards, Primer sa Naga City Ordinance No. 98-033 (Kaantabay sa Kauswagan Ordinance) asin RA 9262: Ley Kontra sa Violencia sa Kababaihan asin sa mga Aki.

Sarô si Robredo sa mga kandidato para magin huwes sa Regional Trial Court kan Calabanga, Pili sa Camarines Sur o Syudad nin Ligao sa Albay alagad nagdesisyon na igilid mùna an paglaog sa hudikatura.[5].

Tinàwan onra si Robredo kan Volunteers Against Crime and Corruption (VACC) bilang Most Outstanding Private Prosecutor kan 2009 Siring man, huli sa marhay na pagpadalagan kan Naga City Council for Women (NCCW) na saiyang pinangenotan, nakua kan Syudad nin Naga an pagbisto asin premyo nilang Most Gender Responsive Local Government Unit sa bilog na Filipinas gikan sa Philippine Commision on Women (PCW).

Kan Agosto 2012, si Robredo nabalo asin kaiba niya an tulong aki na anas babae: Jessica Marie "Aika", Janine Patricia asin Jillian Therese kan magadan an agom niyang si Jesse Robredo sa pagbagsak kan eroplanong nasasakayan duman sa kadagatan kan Masbate.[6]

Lokal na politika

[baguhon | baguhon an source]

Kandidato para Alkalde kan Syudad nin Naga

[baguhon | baguhon an source]

Kan taon 2007 iyo an inot na pagkakataon na nagdalagan sa politika bilang alkalde kan Syudad nin Naga si Leni Robredo kan siya alokon ni Jesse Robredo sa huring mga minuto kan pagpasa nin kandidatura. Ini huli sa antisipasyon kan kasong diskwalipikasyon na isinàngat ni Jojo Villafuerte sa alkalde kaidto kan eleksyon 2004 kun sain nadaog si Villafuerte.[7][8]

Bilang Representante sa Kongreso

[baguhon | baguhon an source]

Presenteng pamayo kan Partido Liberal sa Camarines Sur si Robredo asin nagdalagan sa pagka-kongresista kan terser distrito kan probinsya kontra ki Nelly Favis Villafuerte, agom ni Luis Villafuerte, Sr. kan Mayo 2013. Iprinoklamang ganador si Robredo sa ginibong pirilian asin nakalamang nin labi sa 71,330ng boto sa pinakaharaning kandidato na si Nelly Villafuerte. Siya an pinakainot na babaing representante kan terser distrito kan Camarines Sur sa Kamara de Representantes kan Filipinas. Bàgo kaini, inot siyang inalok na magkandidato pagkaalkalde kan Syudad nin Naga tanganing ipadagos an napoonan kan saiyang agom. [9]

Pagtukaw bilang Bise Presidente kan Filipinas

[baguhon | baguhon an source]
Pagbisita ni Robredo ki Presidente Rodrigo Duterte kan Hulyo 4, 2016

Paggana bilang Bise Presidente

[baguhon | baguhon an source]

Dakol na grupo an nagtulod saiya na magdalagan pagkasenador kan Filipinas kan 2016 alagad nagin bukas siya sa posibilidad na magkandidato para Bise Presidente kun sain sarô an saiyang pangaran sa nagluwas sa survey.[10]

Petsa 5 nin Oktobre 2015 kan ihinayag ni Robredo na siya minadalagan bilang Bise Presidente kan Filipinas sa lindong kan Partido Liberal kaiba si Mar Roxas bilang kandidato bilang Presidente. Nakaguno siya nin 14,418,817 boto o 35.11 porsyento kan kagabsan na boto asin dinaog si Senador Bongbong Marcos nin 263,473 boto sa pwesto komo bise-presidente.[11]

Protesta laban saiya bilang proklamadong Bise Presidente

[baguhon | baguhon an source]

Tolos-tolos si Bongbong Marcos nagsangat kan Hunyo 29, 2016 nin protesta laban sa bagong-tukaw na bise-presidente, si Leni Robredo. Sinasabi niya na an kapangganahan ni Robredo nangyari huli ta pano nin iregularidad asin pantitikas sa nakaaging eleksyon asin hinuhurot niya na an PET balikan an prosesong nakaagi. Sa tolong kahagaran niya, saro iyo na bilangon-liwat an mga botong naglaog hale sa tolong probinsya, Camarines Sur (kinamundagan na probinsya ni Robredo), Iloilo asin Negros Oriental na kun saen si Robredo nangawat na husto asin si Marcos nangaporet. Kan Oktobre 18, 2019 ginibo an pagbibilang-liwat kan resulta sa tolong probinsyang nasambit. Nagluwas na nagdugang logod nin 15,000 an boto ni Robredo hale sa 263,473 tuminaas sa 278,566. [12]

Protesta elektoral ni Bongbong Marcos Ibinasura

[baguhon | baguhon an source]

Kan Febrero 16, 2021, an Korte Suprema, nagtutukaw komo Presidential Electoral Tribunal (PET) ibinasura pinalmente pakalihis limang taon na hararom na pag'aadal, an protesta elektoral ni Bongbong Marcos kontra ki Bise Presidente Leni Robredo.[13][14] Mga report kan Media pigsambit magkapirang rason sa pag'etsa-pwera kan nasabing protesta[15][16] komo daa: "failure to allege specific acts showing electoral fraud"; "allegations (which) were bare, laden with generic & repetitious allegations, no critical information as to time, place and manner of irregularities,” and "the absence of substantial recovery of votes in the 3 pilot provinces Marcos had chosen where Robredo actually gained additional votes with 1,510,718 against Marcos’ 204,512."[15][16][17]

Kandidato para Presidente

[baguhon | baguhon an source]
Panginot na artikulo: Kampanya ni Leni Robredo para Presidente sa 2022
Hilngon man: Team Robredo–Pangilinan
Si Robredo sa saiyang kampanya sa Syudad nin Antipolo, Abril 5, 2022.

Si Robredo nagdeklara na siya makandidato para sa pagkapresidente sa eleksyon heneral 2022. Kan Oktobre 7, 2021 nag-file siya kan saiyang Certificate of Candidacy bilang independienteng kandidato alagad enot pa siya pinag-endorsar kan ISambayan na sarong grupo nin mga oposisyon na iyo siya an kandidatong pinipili kaini kun mamuya siyang magkandidato sa katongdan nin pagkapresidente. [18][19] Oras pakatapos kan saiyang anunsyo, sarong gunuan gikan sa kampo ni Robredo an nagsabi na napili niya an senador asin presidente kan Partido Liberal na si Francis Pangilinan bilang saiyang katambal.[20]

Sa huring opisyal na bilang, nag-ikaduwa si Robredo sa 15,035,773 na mga boto, asin nadaog sa kalaban para presidente na si Bongbong Marcos sa mahiwas na lamang nin lagpas 16 milyon na boto.[21][22]

Pakatapos kan termino bilang Bise Presidente

[baguhon | baguhon an source]

Pagkatapos kan saiyang termino, itinogdas ni Robredo an sarong NGO o non-governmental organization na inaapod bilang Angat Buhay, na gikan sa ngaran asin plantilya kan programang minalaban sa kapobrehan na saiyang itinogdas durante sa pagtukaw bilang Bise Presidente.[23]

Toltolan

[baguhon | baguhon an source]
  1. ↑ Begas, Leifbilly (May 4, 2016). "Leni: I’m tough, I fight for what is right". Inquirer Bandera. http://bandera.inquirer.net/121461/leni-im-tough-i-fight-for-what-is-right. 
  2. ↑ "Vote PH 2016: Leni Robredo". Philippine Daily Inquirer. April 10, 2016. http://www.inquirer.net/elections2016/leni-robredo. 
  3. ↑ Philippine Daily Inquirer (August 24, 2012). "That first night, I knew he was gone—Robredo’s wife". Philippine Daily Inquirer. https://newsinfo.inquirer.net/256594/that-first-night-i-knew-he-was-gone-robredos-wife. 
  4. ↑ [1] Archived 2021-09-26 at the Wayback Machine.Buhay-buhay ni Leni Robredo. Kinua 11-25-20.
  5. ↑ [2] Kinua 11-25-20.
  6. ↑ [3]Jesse Robredo nagadan paglagpak kan sinasakayan na eroplano. Kinua 11-25-20
  7. ↑ [4] Leni Robredo nagkandidato para alkalde kan Syudad nin Naga.Kinua 12-2-2020.
  8. ↑ People Power thrives in Naga City http://pcij.org Kinua 2024-04-22
  9. ↑ [5] Gana sa pagkarepresentante laban kontra ki Nelly Favis Villafuerte. Kinua 11-25-20.
  10. ↑ [6]Nangengenot sa survey. Kinua 11-25-20.
  11. ↑ [7] Kapangganahan ni Robredo kontra Bongbong Marcos sa pagkaBise-president. Kinua 11-25-20
  12. ↑ [8] Newsinfo.inquirer.net.Key Dates in the VP Electoral Protest. Kinua 2-22-2021
  13. ↑ "Marcos heir loses bid to overturn Philippine VP election loss" (in en). The South China Morning Post. Agence France-Presse. 2021-02-16. https://www.scmp.com/news/asia/southeast-asia/article/3121926/ferdinand-bongbong-marcos-loses-bid-overturn-philippines. 
  14. ↑ "Supreme Court unanimously junks Marcos' VP poll protest vs Robredo" (in en). CNN Philippines. 2021-02-16. Archived from the original on 2021-02-16. https://web.archive.org/web/20210216041527/https://cnnphilippines.com/news/2021/2/16/Supreme-Court-Bongbong-Marcos-Leni-Robredo-vice-president-poll-protest.html. Retrieved on 2021-02-22. 
  15. ↑ 15.0 15.1 Navallo, Mike (2021-02-16). "SC junks Bongbong Marcos' poll protest vs Vice President Robredo" (in en). ABS CBN News and Public Affairs. https://news.abs-cbn.com/news/02/16/21/sc-junks-bongbong-marcos-poll-protest-vs-vice-president-robredo-source. 
  16. ↑ 16.0 16.1 Torres-Tupas, Tetch (2021-02-16). "PET dismisses Marcos poll protest vs Robredo, stresses ‘entire’ case junked" (in en). The Philippine Daily Inquirer. https://newsinfo.inquirer.net/1396382/pet-dismisses-marcos-poll-protest-vs-vp-leni-source. 
  17. ↑ [9]www.rappler.com.Kinua 02-22-21
  18. ↑ Nagfile kandidatura.[10]Kinua 11-30-21.
  19. ↑ ISambayan inindorso si Robredo.[11]Kinua 11-3021.
  20. ↑ Panti, Llanesca (October 7, 2021). "Kiko Pangilinan is Robredo's running-mate in Eleksyon 2022 —sources". GMA News Online. https://www.gmanetwork.com/news/news/nation/806087/kiko-pangilinan-is-robredo-s-running-mate-in-eleksyon-2022-source/story/?just_in. 
  21. ↑ Quismorio, Ellson (2022-05-25). "Final, official tally: Marcos, Duterte on top with over 31M votes each". Manila Bulletin. https://mb.com.ph/2022/05/25/final-official-tally-marcos-duterte-on-top-with-north-of-31m-votes-each/. 
  22. ↑ "Marcos Jr. officially proclaimed president-elect". CNN Philippines. May 25, 2022. Archived from the original on June 20, 2022. Retrieved May 25, 2022.  Unknown parameter |url-status= ignored (help)
  23. ↑ "Leni Robredo urges voters to accept poll results as she sets sights on 'Angat Buhay' NGO". Philstar.com. Retrieved 2022-05-31. 

Mga panluwas na takod

[baguhon | baguhon an source]
An Wikimedia Commons igwa nin medya dapit sa Leni Robredo.
Kinua sa "https://bcl.wikipedia.org/w/index.php?title=Leni_Robredo&oldid=276241"