Casimiro Perfecto

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Casimiro Perfecto


Si Casimiro Ferrer Perfecto sarong edukador, parasurat

Napangagóm ni Perfecto si Nicolasa Ponte Perfecto asín igwa sinda nin limang aki: an matuáng si Angustia na nagpaagóm ki Francisco Celebrado, Concejo na nagpaagóm ki Gabriel Prieto, Monserrat na nagpaagóm ki Luis Salgado, Salvador na naagóm an sarong nagngangáran na Josefina, asin an pinakanguhod iyo si Milagros (nagadan: Sept. 30, 2010[1]) na nagpaagóm man kan sarong Sanchez, na ngonyan (2000) yaon nakaestar sa Mandurriao, Iloilo kairiba an saiyang mga aki asin mga apoon.

Mga isinúrat[liwaton | liwaton an gikanan]

Sarô sa matimbáng na isinúrat niyá asín nagin toltólan kan mga historyador ngonyán iyó an artikulong Mga Pagkagiromdom ninsi Aldaw na Tigdorolagan Digdi sa Naga. Ipinalagdâ iní sa Sanghiran nin Bikol kan 1927. Digdí madetalye niyáng ipinagladáwan an mangirhát na pangyári kan mag-alsa an duwáng kabò sa Gwardya Sibil na sindá Felix Plazo asín Elias Angeles. Pina-istorya niyá digdí an saróng empleyado sa Imprenta nindá na nakasaksíng gayó, kaibá an saíyang mga pagmasíd, kan si mga nangyáring purutókan asín baradílan sa haraníng tongód kan paimprentahan. Iní huli ta pirá sanáng dupá an rayô kan paimprentahan sa Simbahan nin San Francisco, kun saen dumán nagpaíli si mga Kastila.

Dakól pa siyáng isinúrat na regular na nagruluwás sa Sanghiran kan iní piráng taón na napalagdâ kan saíyang paimprentahan. Alágad an paimprentahan niyá nadámay sa natomtóm kan tuyong binomba kan mga Amerikano an Palasyo Arsobispado nin Caceres‎ huli sa paghunà na ginagámit iníng pailíhan kan mga soldados na Hapon. Totoo, binuhay pa niya an saiyang negosyo na an pigdara nang pangaran, Imprenta, Libreria y Encuadernacion de Casimiro F. Perfecto pakatapos kan gera, alagad pagkahaloyhaloy kaidto naghubo na siya sa Mandurriao, Iloilo.

Kaapil sa Instituto de Lenguaje Nacional[liwaton | liwaton an gikanan]

Kan 1937, si Casimiro Perfecto nanombrahan saro sa kaapil kan Instituto de Lenguaje Nacional na minukna sa ri'gon kan CA Nu. 184, s. 1936, na iyo an may mandato sa pagpatalubo asin pagpagantad kan sarong lenggwahe nasyonal sa Filipinas. Siya an kasalihid pigrerepresentar an tataramon na Bicol.[2][3]

Mga toltolan[liwaton | liwaton an gikanan]

Mga panluwas na takod[liwaton | liwaton an gikanan]

Toltolan[liwaton | liwaton an gikanan]

  1. Sabi kan aki niyang si Lourdes S. Pardiñes
  2. [1]www.librarylink.org.ph. Kinua 08-07-17
  3. [2]newsinfo.inquirer.net. Kinua 08-07-17