Cris Hugo

Gikan sa Bikol Sentral na Wikipedia, an talingkas na ensiklopedya
Jump to navigation Jump to search

Si Cris Hugo sarong Bikolanong estudyanteng lider asin myembro kan Liga kan mga Estudyanteng Filipino (LFS) asin praternidad na Alpha Phi Omega (APO) sa Unibersidad nin Bikol. Sa edad na beynte anyos, siya binadil nin sarong grupo na pinagtutubodan na nanggagadan nin mga aktibista asin maka-wala kan Marso 19, 2006 sa Syudad nin Legazpi, Albay.[1] Sosog sa Bagong Alyansang Makabayan (BAYAN), sarong progresibong grupo sa Filipinas, kabali si Hugo sa tulompulo may tulong (33) indibiwal na nagadan kan Pwersas Armadas kan Filipinas (AFP) kan inot na kwarto kan taon na idto.[2]

Nagklase si Hugo nin Journalism sa Kolehiyo kan Artes asin Letras sa Unibersidad nin Bicol (BUCAL). Duwang taon siyang naglaog nin seminaryo kan siya yaon sa sekondarya sa Seminaryo nin Peñafrancia sa Syudad nin Sorsogon.[3]

Gawad Cris Hugo[liwaton | liwaton an gikanan]

Ipinangaran saiya an sarong gawad sa Liyab Regional Journalism and Arts Festival o LIYAB (nangangahulugan na ludab sa tataramon na Bikol) na sarong taon-taon na festival nin panrehiyon na dyornalismo. Pinapadrinohan ini kan Pillars Publication nin Ateneo de Naga na Unibersidad asin College Editors Guild of the Philippines (CEGP). Katuyohan kan Gawad Cris Hugo na tawan onra an mga matitibay na dyornalista sa kolehiyo.

Nakua kan Catanduanes State Colleges (CSC) an pinakainot na gawad para sa saindang opisyal na publikasyon na CSC Statesman kan 2010.[4]

Toltolan[liwaton | liwaton an gikanan]

Hilingon man[liwaton | liwaton an gikanan]