Dahong
An Dahong sarong baroto na dakulaon [1]. Ini man an apod kan mga gurang kan mga naenot na pagodang pigpapasakayan ki Ina' (Nuestra Senora de Penafrancia).[2] Apesar kaidto man an ibang mga kamagurangan inaapod an sakayan ni Ina' na sampan.
An dahong ni Ina' sinasabi na magkapirang darakulang baroto an tinataraid asin binabantingan, dangan sa ibabaw kaini nasalog nin mga tabla. An palibot kan salog may barandilya. An pakalakbang kaini idtong tama na makaigo' an mga imahen ni Ina' asin ni Divino Rostro saka kan mga tawong marulunad igdi.[3]
