Danaw nin Buhi

Gikan sa Bikol Sentral na Wikipedia, an talingkas na ensiklopedya
(Pinagbalikwat gikan sa Danaw Buhi)
Jump to navigation Jump to search
Danaw nin Buhi

An Danaw nin Buhi sarong danaw na namumugtak sa Buhi, Camarines Sur. Igwa ini nin hiwas na 18 kilometro kwadrados asin katamtaman na rarom na 8 metros. Namumugtak an danaw sa tanga kan duwang bulkan na Asog asin Malinao. Nahaman an danaw kan 1641, matapos marumpag an gilid kan Bulkan Asog huli sa sarong linog. Huli sa kan pagrasay, nakabilog nin natural na dam na nagpugol sa sulog kan mga sulong sa lugar.[1] Sarong teorya sa pagkabilog kan danaw iyo an pagtuga kan Bulkan Asog. Igwa nin 67,762 katawo na nag-eestar sa palibot kan danaw.

Namidbid an danaw huli ta saro ini sa mga hawak nin katubigan kun sain nabubuhay an tabyos o sinarapan (Mistichthys luzonensis) na iyo an pinakasadit na sira na nakakakan sosog sa Guinness Book of Records.[2]

An danaw iyo an panginot na pinagkukuanan kan suplay nin tubig para sa National Power Corporation Hydro Electric Plant. An planta na tinugdas kan 1952 nakakagibo nin katamtaman na 2.8 megawatts. Ginagamit man ini kan National Irrigation Administration sa pagpatubig sa dai mababa sa 100 kilometro kwadrado na kadagaan sa Ikatulong Distrito kan Camarines Sur.[3]

Kan Setyembre 22, 2007 nagkaigwa nin pagburutwa nin sira sa danaw huli kan labing sulfur dioxide gikan sa pagtaraid na bulkan sosog sa Bureau of Fisheries and Aquatic Resources (BFAR) na pinahimukan kan Philippine Institute of Volcanology and Seismology (Phivolcs).

Bakasyunan asin lingaan[liwaton | liwaton an gikanan]

Mismo sa gilid kan danaw, sa barangay kan Cabatuan yaon an pinakamoderno asin pinakasangkap sa pasilidad na resort para sa mga boot magbakasyon sa Buhi, an Lake Buhi Resort na pagsasadiri ni Cyrus Obsuna, sarong Buhi'non namundag mismo sa barangay na ini.

Kataytayan nin ladawan[liwaton | liwaton an gikanan]

Toltolan[liwaton | liwaton an gikanan]

  1. Danaw Buhi sa Mga Danaw kan Kinaban. World Lakes Database. Kinua 2008-10-15
  2. Froese, R. and D. Pauly. (Eds.) Mistichthys luzonensis FishBase. 2011.
  3. Local Government Unit: Municipality of BUHI