Delfin Rosales
Si Lt. Delfin C. Rosales sarong soldados kan panahon nin Ikaduwang Gerang Pankinaban asin damay nakipaglaban sa Hapon kan an mga gerilya nagsakyada kan Abril 1945 sa banwaan nin Naga sa pinal na pagbungkal sa mga soldados nin Hapon nakapwesto sa banwaan na ini. Siya kaapil sa Philippine Army Air Corps (PAACO) asin sa Allied Intelligence Bureau (AIB). Sa purutokan sa may bandang tulay kan Panganiban (na ngonyan inapod nang Lt. Delfin Rosales bridge) siya nalargato kan tolong bala nin sniper na Hapon kan siya yaon sa aktong pagbutong asin pagligtas kan sarong Filipinong soldados na nakahorantay huli ta natamaan man. An sarong bala tuminama sa saiyang daghan na iyo an saiyang ikinagadan.[1]
Huli kan heroikong aktong ini, si Rosales ginawadan nin Golden Cross Award, saro sana daa sa duwang Bikolanong gerilya na natawan nin siring na pagmidbid. [2]
Mga panluwas na takod[baguhon | baguhon an source]
- Barrameda, Jose V. Canaman Thru the Centuries: A Portrait of an Historical Bikol Town and Its People. Synergetic Communications Systems. Naga City. 1982.
Toltolan[baguhon | baguhon an source]
- ↑ http://www.bicolmail.com/2012/?p=15167 Kinua 08-11-16
- ↑ http://www.filipiknow.net/young-philippine-heroes/ Kinua 08-11-16
Kagtegorya:Mga soldados asin mga gerilyang nagkamit nin Golden Cross Award