Duhat

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Burak asin bunga
Bunga nahira an kolor sa paghinog- tirom o litik na

An duhat (Syzygium cumini, sa Ingles kumon na inaapod na jambolan,[1] Java plum,[1] black plum[2] o jamun, sarong tropikal na tinanom sakop kan pamilyang Myrtaceae. An tinanom tubong natural sa Subkontinenteng Indya, sa mga kadolon kan Sur-subangan na Asya, Tsina asin sa Queensland. An huna kan iba ini iyo mansana an inaapod na blackberry (Ingles), alagad an huri iba man na prutas na mayo man relasyon igdi saka sakop kan ibang order. An Syzygium cumini napalakop na kan mga emigranteng mga Indyano asin ngonyan kumon sa mga dating kolonya kan mga Briton.[3]

Deskripsyon[liwaton | liwaton an gikanan]

Sarong maluyang magtalubong pecies, nalangkaw ining abot 30 metro asin pwedeng magtagal an buhay nin 100 na taon. Ini may mahi'bog asin marambong na kadahonan na nataong limpoy. Mala ta inaataman ini huli kan lindong niya bilang ornamental. Sa poon kaini an ubak magaspang asin mairom na abohon, na nagpupu'saw na abohon sa pagtaas kaini. An poon matagal sa tubig asin an kahoy ngani matibay sa tubig saka dai tolos nalapa' kaya ginagamit sa mga riles bilang pada'tolan. Nagagamit man ining materyales sa pagharong o sa muebles pero magisik asin madaling magsi'lak.

An mga dahon kaini may amyong garo arog kan turpentine, rosa-rosa, dangan nagigin makunot asin makintab na berdeng mairom, na may gusok na nagdudulaw. An mga dahon pwedeng pambahog sa mga hayop na ataman.[4]

Taytay nin mga retrato[liwaton | liwaton an gikanan]

Toltolan[liwaton | liwaton an gikanan]

  1. 1.0 1.1 Plantilya:GRIN
  2. Banerjee, A; Dasgupta, N; De, B (2005). "In vitro study of antioxidant activity of Syzygium cumini fruit". Food Chemistry 90 (4): 727. doi:10.1016/j.foodchem.2004.04.033. 
  3. "Syzygium cumini". http://www.hear.org/pier/species/syzygium_cumini.htm. 
  4. The encyclopedia of fruit & nuts, By Jules Janick, Robert E. Paull, p. 552