Egon Eiermann

Si Eiermann sa selyo

Si Egon Eiermann' (29 Septyembre 1904 – 20 Hulyo 1970) iyo an saro sa pinakaprominenteng arkitekto kan Alemanya sa kabanga kan ika-20ng Siglo. Si Eiermann namundag sa Neuendorf asin nag'adal sa Technical University nin Berlin. Nagtrabaho siya sa departamento pan'edipisyo kan Karstadt nin temporaryo, dangan bago magputok an Ikaduwang Gerang Pankinaban siya may opisina kaiba si Fritz Jaenecke. Siya nag'ayon sa faculty kan unibersidad nin Karlsruhe kan 1947, kun saen nag'asikaso magpakarhay kan mga metodo nin konstruksyon kan mga steel frame. Nagadan siya sa Baden-Baden sa edad na 65.

Sarong tawong praktikal, mga mayor na obra niya kabali an sarong textile mill sa Blumberg (1951); an pabilyon kan West Germany duman sa Brussels World Exhibition (katuwang si Sep Ruf, 1958); an embahada kan West Germany sa Washington, D.C. (1958-1964); an edipisyo kan Parlamento nin West Germany (Bundestag) sa Bonn (1965-1969); an Opisina Mayor kan IBM-Germany sa Stuttgart (1967-1972); asin an edipisyo kan Olivetti sa Frankfurt (1968-1972). An pinakabantogan daang trabaho niya iyo an bagong simbahan sa lugar kan Kaiser Wilhelm Memorial Church sa Berlin (1959–1963). Si Eiermann nagtrabaho man art director sa pelikulang The Pink Diamond.

Galeriya

• 
  Simbahan Memorial ni Kaiser Wilhelm
• 
  Mga Edipisyo nin Olivetti sa Frankfurt
• 
  Mga edipisyong opisinahan kan DEA oil refinery, Karlsruhe