Ely Buendia

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Si Ely Buendia mantang nagkakanta sa Screen Fest sa Eastwood

Si Eleandre Basiño Buendia, midbid bilang Ely Buendia (namundag kan Nobyembre 2, 1970), sarong Pilipinong parasurat-kanta, paratogtog nin gitara asin parakanta kan bantog na bandang Eraserheads sagkod na mabungkag ini kan 2002. An saiyang mga komposisyon nagin patok sagkod nanginot na mga kanta asin ngunyan ikinokonsiderar na klasiko. Siya sarô sa mga binibisto sa lado nin musika sa nasyon asin ngunyan iyo an gitarista sagkod parakanta kan bandang Pupil asin Oktaves.[1][2][3] Naggigibo na man siya nin haralìpot na pelikula poon kan 2008 asin maluwas bilang aktor sa sarong pelikula.[4][5]

Agi-agi kan buhay[liwaton | liwaton an gikanan]

Si Buendia namundag sa Syudad nin Naga asin inot na nanòdan an Kundiman sa saiyang inâ mantang nag-aadal maggitara kan siya 7 taon pa sana. Nagtapos siya nin elementarya sa Pasig Catholic College kan 1983 sa Syudad nin Pasig dangan sekundarya sa University of Perpetual Help Rizal. Kan elementarya, nanggana siya sa sarong patiribayan nin karantahan kan saiyang awiton an "Doon Lang" ni Nonoy Zuniga. Nag-adal siya sa Unibersidad kan Pilipinas sa Diliman asin minuknâ an mga bandang Bluidie Tryste, Sunday School asin Eraserheads.[6]

Kaapil si Buendia kan pangkinàban na kasararoan na Order of DeMolay.

Igwa siyang duwang akì, si Una Aurea sa saiyan inot na agom na si Vicky Cayago, asin si Eon Drake sa saiyang co-manager sa bandang Pupil na si Diane Ventura. Ngunyan igwa siyang relasyon sa modelo asin personalidad sa telebisyon na si Shawn Yao.

Salud[liwaton | liwaton an gikanan]

Nagsapò nin atake sa pusò si Buendia kan 2007 mantang yaon sa sarong togtogan sa Calamba, Laguna. Dinara siya tulos as Intensive Care Unit kan sian Hospital and Medical Center sa Syudad nin Muntinlupa. Nag-agi siya nin emergency angioplasty operation sa panginginot ni Dr. Benjie Luna.[7][8]

Konsyerto[liwaton | liwaton an gikanan]

An pinakahuring konsyerto nya ginibo kan Hunyo 8, 2013 pa sana, sa Jesse M. Robredo Coliseum sa kinamundagan nyang lugar, an Syudad nin Naga.[9] Sa maabot na Agosto 10, gigibohon man an konsyerto kan Eraserheads sa Max Pavillion sa Singapura.

Mga panluwas na takod[liwaton | liwaton an gikanan]

Mga toltolan[liwaton | liwaton an gikanan]