Museo

Mapa kan mga museo sa bilog na kinaban (interaktibong bersyon)

National Museum of African American History and Culture, Washington, D.C.

An museo (Ingles: museum) iyo sarong institusyon para sa pagkolekta nin mga artipakto asin iba pang bagay nin artistiko, kultural, historikal, o siyentipikong importansya. An nagkapirang mga pampublikong museo pigpapatanaw an mga bagay na ini sa paagi nin mga eksibit na pwedeng permanente o temporaryo.

An mga pinakadakula sa mga museo iyo mahihiling sa mga mayor na syudad sa bilog na kinaban, mientras an ribo sa mga lokal na museo iyo yaon sa saradit na mga syudad, banwaan, asin rural na lugar. An mga museo may manlainlain na katuyohan, na minarango poon sa konserbasyon asin dokumentasyon kan saindang mga koleksyon, na iyo minasirbe sa mga paraadal asin espesyalista para sa heneral na publiko. An katuyohan sa pagsirbe sa mga paraadal iyo bako sanang siyentipiko, pero para man sa heneral na publiko.

Igwa nin manlainlain na klase nin museo, kabali na an pang-arte, pangnatural na historya, pangsiyensya, panggiyera, asin pang-aki. An mga pinakadakula asin pinakapigbibisita sa kinaban iyo kabali an Louvre sa Paris, an Metropolitan Museum of Art sa Syudad nin Nueva York, an National Museum of China sa Beijing, an Smithsonian Institution sa Washington, D.C., an British Museum asin National Gallery isa London, sagkod an Vatican Museums sa Vatican City. Segun sa International Council of Museums (ICOM), igwa nin lagpas 55,000 na museo sa 202 na nasyon.

Panluwas na takod

• Igwang relatibong medya para sa Museo duman sa Wikimedia Commons
• International Council of Museums
• Museums of the World
• History Of Mount Everest
• VLmp directory of museums
• Museums sa Curlie