Florence Finch
Si Florence Ebersole Finch (Oktobre 11, 1915 – Desyembre 8, 2016) sarong Filipino-Amerikanong kaapil sa resistensya kontra sa Hapon kan Ikaduwang Gerang Pankinaban igdi sa Filipinas.
Si Finch namundag na Loring May Ebersole Oktobre 11, 1915 sa Santiago, Filipinas. An ama niya sarong Amedrikano, si Charles Ebersole asin an ina niya Filipina, nagngangaran Maria Hermosa [1]
Dai pa nasakyada an Hapon sa Filipinas, siya nagtratrabaho sa G-2 (Intellegence) Headquarters kan U.S. Army sa Manila. Digdi nanumpongan niya an saiyang maagom na si Charles Smith, sarong Navy electrician's mate, nagadan kan Pebrero 8, 1942 sa pagngata' na magdarang gasolina sa mga tropang Amerikano asin Filipino sa Corregidor Island sa gitgitan na gayo kan ralaban.
Agi-agi kan buhay[baguhon | baguhon an source]
Pakapoon kan Gera, napatubod niya na siya Filipina asin ta nakua siyang magtrabaho sa Philippine Liquid Fuel Distributing Union na nanakapotan kan mga Hapon. Digdi, sa pag'oltan kan Hunyo 1942 asin Oktobre 1944, saiyang natatabangan an resistensyang hiron paagi kan pag'ikit nin gasolina na dapat kuta rasyon sa pwersang Hapon, sa pagpeke nin papeles asin gnagamit niya an posisyon niya sa pagtabang sa mga aktong pagsabotahe sa kalaban.
Kan taon 1944, nadiskubre siyang nagtratrabaho palan para sa resistensya asin naaresto, kinadogkadog, pigkasuhan asin pigsentensyahan nin tolong taon na pagkapreso. Napaluwas sana siya kan uminabot an mga pwersang Amerikano kan Pebrero 10, 1945 na siya nagtitimbang na sanang 80 libra.
Pakatapos kan gera, naghubo na siya sa Buffalo, Nweba York asin ta siya nag'apil sa Coast Guard Women's Reserve kan Estados Unidos. Nagadan siya kan Desyembre 8, 2016 sa edad na 101 sa Ithaca, Nweba York. Tina'wan siyang paglubong militar na may hustong pag'onra.
Kan 1947, siya nasa'bitan kan American Medal of Freedom. Kan 2011, an gobyerno Filipino tina'wan man siyang onra.
