Gateway Mall (Syudad nin Quezon)

An Gateway Mall iyo sarong shopping mall na mahihiling sa laog kan Araneta City sa Cubao, Syudad nin Quezon, Filipinas. Kagsadiri asin pig-ooperar kan Araneta City, Inc. (ACI, Inc.), sarong subsidiyaryo kan Araneta Group, an mall iyo nakompleto kan 2004 asin igwa nin 100,000 m² (1,100,000 sq ft) na kabilogang hiwas nin salog, mantang igwa nin 1.4-hektarya nin kabilogang hiwas nin daga. An Gateway Mall iyo presente man na nagtutukaw sa norteng parte kan Araneta City, mahihiling sa norte kan makasaysayang Araneta Coliseum asin pigdudumanan nin lagpas 220,000 na tawo urualdaw, huli ta harani ini sa mga terminal nin transportasyon asin istasyon nin riles.^[1]

Sa presente, an Gateway Mall iyo igwa nin pagpapalawig na proyekto, midbid bilang an Gateway Mall 2, mahihiling sa solnopan na gilid kan Araneta Coliseum, asin iyo kaiba man an Ibis Styles Araneta City. Kapag nakompleto, an mall madugang nin 190,000 m² (2,000,000 sq ft) na ispasyo nin bakalan, sa kabilugan na hiwas nin salog na 290,000 m² (3,100,000 sq ft), na mahimo sa mall bilang saro sa mga pinakadakulang shopping mall sa Filipinas sa pagkakompleto kaini sa Pebrero 2023.^[2]