Gladys Zender

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Gladys Zender
KamundaganGladys Rosa Zender Urbina
(1939-10-19) Oktobre 19, 1939 (edad 80)
Lima, Peru[1]
Langkaw1.70 m (5 ft 7 in)[2]
TituloMiss Peru 1957
Miss Universe 1957
Beauty pageant titleholder
Kolor kan buhokItom[2]
Kolor kan mataKayumanggi[2]
Mga darakulang
kompetisyon
Miss Peru 1957
(Nanaog)
Miss Universe 1957
(Nanaog)

Si Gladys Rosa Zender de Meier (née Zender Urbina; namundag kan Oktobre 19, 1939) sarong taga-Perung modelo asin reyna nin kagayon na nagin pinakainot na babaing gikan sa Amerikang Latin na nanaog sa Miss Universe. Siya kinoronahan bilang Miss Peru Universe 1957 ni Miss Peru Universe 1956, Lola Sabogal Morzán.[3]

Miss Universe[liwaton | liwaton an gikanan]

Namundag siya sa sarong amang Swiss asin inang taga-Peru, siya nanggana kan titulong Miss Universe 1957 sa Long Beach, California, Estados Unidos.

Matapos makoronahan, ibinunyag na si Zender sarong 17 anyos sanang daraga, ini pirang bulan na kulang sa kinakaipong pinakahababang edad sosog sa kompetisyon. An mga opisyal kan pagarayonan nagdesider na ipadagos niya an pagreynar matapos na ikinonsiderar siyang 18 sa Peru.[3] Kan parehong taon, tinanggalan man nin titulo si Miss USA, Mary Leona Gage, asin natanggal bilang semi-pinalista sa Miss Universe matapos na maisihan na ini igwa nang agom asin ina na sa duwang aki. Sinalidahan ni Miss Argentina, Mónica Lamas, si Gage bilang saro sa 15ng semi-pinalista.

Personal na buhay[liwaton | liwaton an gikanan]

Inagom si Zender ni Antonio Meier kan 1965, asin nagin pribado an buhay; nagkaigwa sinda nin apat na aki. An saindang aking lalaki na si Christian Meier, sarong midbid na aktor asin parakanta sa Peru na namidbid sa ibang nasyon sa Latin Amerika. Kan 2003, tinugotan ni Zender an Caretas tanganing maretratohan asin si Meier kan saindang harong na ipinapahiling an manlainlain na artipaks kabali an koleksyon nin arteng Inca, na natipon kan mag-agom sa lawig nin panahon na sinda magkaibahan.

Toltolan[liwaton | liwaton an gikanan]

Mga panluwas na takod[liwaton | liwaton an gikanan]