Graceland (kakanan)
An Graceland sarong restawran natugdas kan mag'agom na Felipe Dy Eng Chong asin Felicidad Dy kan taon 1976 sa syudad nin Naga.[1] Kan si tyo Peping (iyo an gusto siya apodon) yaon pa nag'eestar sa Divisoria, Manila, kun ano-ano na lang trabaho inaako niya: tindero,kargador o anoman na pwedeng makaganansya pirang sentimos. Kan makaagom na siya, naghubo' siya sa Syudad nin Naga. Si Tyo Peping, tapos sanang high school asin si Felicidad tapos elementarya, an duwa nagkaag nin sadit na negosyo sa Naga. Sa sinubli na P10,000, an mag'agom kan 1976 nagbukas nin restawran sa sentro na haros garo mansanang karo-karehan sa sadit na espasyo, may apat na lamesa na nagseserbing mga linuto nang mga giso (turo-turo) arog kan pansit, mami, spaghetti, mga mamon/cake, asin iba pa.
Sa pagpoon, an pwesto kaini namumugtak sa Kalye Elias Angeles sa pwestong ngonyan okupado kan Naga Optical Clinic. Sa presente, igwa nang mga pwesto sa tolong (3) probinsya igdi sa Rehiyon nin Bikol an inaapod nang Graceland Food Industries, Inc (GFFI).[2]